5 созывад 34 сесие вишир ай

SAMSUNG CAMERA PICTURES
SAMSUNG CAMERA PICTURES

12 августас, улджумад йыгъа, Мыха1д райондид администрациеди вишир ай райондид иджласад сессия. Гьади иштрак гьыъыр ай райондид иджласад депутаташе, идарамыд кьухьдыбише, журналистеше, сельсоветеше ва сес выъыр йидкыр ад юлдашеше.
Сахьусды ч1илихьван 5 созывад 34 сессия ачых выъыри И.о. райондид иджласад седри Рамазан Муфталиевич Рамазанова. Сыт1а дишидыла хъуъ салам сувхъур Рамазан Муфталиевиче таныш дыъыр иштракчиер суалмыхьван гьа йыгьа хьуъ гет1есды.
Сахьусды суал йиъий «Утверждение отчета исполнения бюджета района за первое полугодие 2016 г.»
Кьва1дхьусды — «Об организации работы органов опеки и попечительства по исполнению своих полномочий».
Хьибыдхьусды — «О формировании дорожного фонда Рутульского района».
Сахьусды на хьибыдхьусды суалад бадана лалгыри райондид финансовый отделед кьухьнийды заместитель Лимунат Джамалудиновна Нажмудинова.
Гьание гьыъыри ихтилатбыр сыт1а дишир ад депутаташис не юлдашешис, шууна кьуле йыгыр ади 2016 сыдыд 6 вазырды арыди Мыха1д райондид бюджет. Генеки гьание гьухьури, шыв услахьван пай гьыъыр ади сельсоветмыд арыди дорожный фонд тангабыр.
Кьва1дхьусды суалад бадана гьалгыри райондид администрациедид опекадид не попечительствадид отделед кьухьды Курбан Абдулаевич Курбанов. Гьание гьыъыри иштракчийшис ихтилатбыр, шыв гвалахбыр гьыъыр ади отделере 2015-2016 сыдырма. Шыв четинвалдыбыр гьагвурди джухьды отделес ва шыв гьаъара ади, шыв кюмегбыр вылц1ара ади етим, есир хынимешис.
Гьанийды отчетат доклад е гьеми газета лийир а урус ч1илыла.
Гьади сессиеди генеки далгыри Мыха1д мукъу1д сельсовет Абдурахман Султанаев, райондид иджласад депутатар Магомедриза Кадимов, Казбек Султанов ва мадды юлдашер.

Насир Ибрагимов