Саласадид йыгъа, 10 апрелес, ИТАР-ТАСС-ад центральный офисе, Москвади ад, вишир ай Дагъыстанад Врио Кьухьды Владимир Васильевад пресс-конференция.Сахьусды журналистешихьванды ихтилатад суал йиъий йикисды Европадид чемпионат спортивный борьбыда-2018, гьа гыргасды йиъи Дагъыстана. Эккед соревнованиебыр беслемиш йикис маба вазырыла ц1амди вахт. Гьа официальный спортад мероприятиеди йукьды спортивный борьбыдид вид а: греко-римский, вольный выг1лешды на хьылешды ва грэпплинга выгыргас йик1иы гъа А. Алиевад дур гъад джигьилешды ва спортад Двореце Каспийскади ад.
Регионад Кьухьние чемпионат бегедене беслемиш йишинис гюре ихтилат гьыъыр, шууна выгыргара ади гьазырвалды викисды спортад мероприятиедис. Гьадыла саваенди, Владимир Васильева джывабыр хъывыр суалмыс Дагъыстанад социально–экономический лаъвалды вишинис лазимды.
Пресс-конференцияди иштрак гьыъыр Россиядид спортивный борьбыдид Федерациедид сахьусды вице-президент Омар Муртазалиева, Дагъыстанад сборныед баш тренер Сажид Сажидова, вольный стилед борец, олимпийский чемпион Абдулрашид Садулаева.