«Рутульские новости» — хьур республикадид газетед баш редактора Тимур Махмудова комментировать выъыр ай америкадид журналистес выд Владимир Путинед интервью.
Ихьды Президентед Владимир Владимирович Путинед интервью америкадид журналистес Такер Карлсонас выд дуьни- дуьнйадис вацlaра вишид гвалах вишир ай.
Ихьды хуькиметед Кьухьние дуьнйады адыхъундыбишис генеки йикlиы лихьийир тарихед гьакьасабыр. Ес таликьды гьакьасаб — шууна Америкадире куьмег вылцlара айди 2000-хьусды сыдырма Северный Кавказди ад террористешис. Гьдыхьван сытlа генеки ачых руъура гьакъийкъатды ламыссыз хьесым западдид хуькиметмыд, мысга йес зиян-зарар гьаъас чалышды. Гьадыхьван субут руъура гьабишды тахсирбыр, россиянашы, кавказцыйшы дагъыстанабишы йыдкьыд йыгь-лелермыд сураа гьа джетинды даlви ад геде террористешихьван.
Ва гъийгъа, гьадис гюре, йе мааки гъигъе выъыр йыгара ихьды Савалды, гъами дишин бадана западдид коалициеды. Ихьды инсанаше недже шума хылис, 1999-хьусды сыда ки, генеки гьувга выъыр ихьды мысга ад савалды ви ихьды йигитвалды террористешихьван выгыргад даlвиди.