11 ноябрес Лалаъана гъад гъа1 ц1ине хъывыъыр ай.
Гьа гвалахмыд гъилы-кьулы гъай ихьды аксакалар Медетхан Мамаев ва Араз Ризаков, генеки гьабишихьван ай Адлан Мамаев на Рамазан Рамазанов.
Гьабише дыхьыр Дахына майдана ледкъасма Лалаъанди гъад йисе вишир гьубкьур ад гъа1 сехъеп1ир, лихъивхьири ц1инды гъа1.
Дегиш гьыъыри сиене гидухъунды усбыр, дюз хъыъыри гъы1д эвирбыр.
Гьа гъы1ла хъу-хьуъ гадгъа1ре дама –дара диъибыр ва мал-къара хана сыва диъид инсанар.
Эккед сываб виъи гьади иштрак гьыъыдухъунды инсанашис.
Сагъул виъи ихьды Медетхан шус на Араз шус ки гьа гвалахбыр кьуле йыгыд.

Насир Ибрагимов