28 майес райондид культурадид Центра вишир ай райондид Маджлисед сессия.
Гьа выгыр ай райондид Маджлисед седри Артур Тагирова. Сессияди гьыъыр ай иштрак МР «Рутульский район»-дид кьухьды Ибрагим Ибрагимова, райондид прокурор Рафик Гаджикеримова, райондид администрациедид къуллухчийше, му1къмыд сельсоветеше ва маддыбише. Сессия кувч1уйне, Артур Тагирова выъыри къутли миди ад юлдашешис кувч1ур ад сивид ваз ва гьыъыри сиене районди ад илсанашис сагъвалды, сабырвалды ва баракат. Гьадыла хъуъ миди хьуъ гет1ир ай мисед суалбыр:
1. Кьабыл гьыъын отчет МР «Рутульский район»-дид 2017-ды сыдыд бюджет кьуле йыгыдид.
2. Райондид прокурора сигыд представлениебыр хьуъ гет1ин, муниципальный идарамыд къуллухчийшихда ки сес выъыр.
3. Дегишвалдыбыр гьыъыд райондид бюджете гьуькиметед арыди МРОТ-ад кьадар.
4. Маддыбыр.
Сифтед суалад сураа отчетахьван гьалгыри райадминистрациедид финансовый отделед кьухьды Умахан Гусейнов. (Гьа отчет май вазырды номермы лийир ай.)
Гьади гьанийис выри суалбыр райондид прокурора, райондид кьухьние ва депутаташе.
Кьва1дхьусды суалад сураа гьалгыри райондид Маджлисед седри. Гьание гьухьури – райондид прокурора сигыр а представлениебыр:
— нарушениебыр ад и районди ад сиени сельсоветма законодательствадид суруума (ерымыд карта – схемамыд, накьумыд ва мадды мисед гьаммыд назначениемыд сура ки):
— райондид ЖКХ–дид муниципальный предприятиедид юридический документация ва гьадид финансовый гвалахмыд отчетмыд усул гьади дуьзене кидишдыла.
Ми суалмыд арыма далгыри райадминистрациедид ЖКХ-дид отделед кьухьды Тамерлан Султанов, райондид экономикадид отделед кьухьды Султанахмед Ордуханов, сельсоветер, райондид кьухьды ва райондид прокурор.
Миди муниципальный къуллухчийше гьухьури – сиене документбыр картографиедид услад заказ гьыъыр а, аммани сен-сыдыыла гьамыд кьимет лаъ виъина а, бюджета ки танга гъивкьыр адиш…
Ми кьва1д суал агъмиш гьыъыда хъуъ, сессиядире выри рекомендация – са вазырды арыди прокуратурадис джываб хъывын бадана райадминистрациедид идарамыра.
Хьибыдхьусды суал ки — МРОТ-ад кьадар 1 майяла хъуъ лаъ хъившидыла, райондид Маджлистере ки эгъит1ир йыгад йиъи кьадар, райондид бюджете ки гьадыла дегишвалдыбыр хъыъын.
Депутаташе мидид сураа ки выри джуьхьды разивалды.
Гьадыла хъуъ миди гьыъыри агъмиш мисед суалбыр, сиени юлдашер ки далгара нубытдире:
— райондид налогмыд потенциал (ачута летшун туканчиер, хал-лахбыр, ербыр ачута ийин);
— ачута ийин ерли сиени хьед гыргад дурбабыр, ва гьадид сура илсанашда гьакь лешун;
— налогмыд планбыр лаъ хъишидид ва гьамыд натиджа ки — сиени гьуькиметед идарамыхда аа гид накьумы налог лихьир а ва маддыбыр.
Сиени миди повесткадик кид суалмыд сураа сессиядире эгъет1ири лазимды къарарбыр.
Гьадыхьван сессия бегьем вишири.
Къинады Саид
