6 мартас Дагъыстан Республикади гвалах гине йиркыыр ай Российский Федерациедид здравоохранениедид Министр Вероника Скворцова.Дагъыстанад Врио Кьухьды Владимир Васильев на ва Вероника Скворцова дыхьыр ай таныш дикис гьамыъды медицинадид идаради – Республикадид Перинотальный центра – «Мама Патимат», гьади РД-над здравоохранениедид врио министр Танка Ибрагимовахьван ва гьа идарадид кьухьды Низам Османовахьван сыт1а таныш дишир перинотальный центрад гвалахахьван ва ихтилатбыр гьыъыр гвалах ваъабишихьван на едере кют1ир абишихьван.
2017 сыда Перинотальный центр ачых йишидыла хъуъ гвалах мабыйды йыхана еримиш вишир духтураше вылц1ад нинабашисне хынимешис кюмгид сура. Дюхид хынимер сыдыд арыди сагъна адгынид сура Дагъыстан йыхды регионмык кипхьур а. 2017 сыда 2015 сыдыхьван хихыийне хынимер дыркьынид показатель ц1ам йишир а 20%-та йыхы1р. Дюхид нинабашды дыркьывалды ц1ам вишир а кьву1не хылис.
Перинотальный центр сахьусды йыхды хынимер дюхид региона ад идара виъи, лазимды сиене кюмегбыр вылц1ад дюхисды хьылешис.
Перинотальный центр «Мама Патимат» — сахьусды эккед йиъи Северный Кавказди ад 150 илсан кюдилт1ед, ха1р сыда гьади кьабыл даъас руъура 8 гьагъзыр илсан.
Гьа йыгъа Вероника Скворцова таныш ришир ай мадды медицинадид идарамыхьван ки.