24 сентябрес В. И. Ленинед дур гъад площаде Махачкалдид 160-сен йишинис гюре йыгыр ай  эккед-концерт «Моя столица»-хьур.
Сыт1а дишид шегьерди ешемиш дуруъуд илсанашде Махачкалдид мэр Муса Мусаева гьухур, Махачкала — Россияди ад лаъ-хьуъ к1ыбди руъура ад шегьермык кинивиъи.
«Шегьердид ва ари ад районмыд администрациемыра кьуле гыргара а балад суалбыр яшайишед бадана меркездид илсан йыгъ-йыгъала бала идыла. Ха1р са дагъыстанашурас ва махачкалинецес йыгара быт1рана вишир джуду меркез шегьермыд арыди, ва  ихьды халкьдихда анивиъи кьуве гьа гвалах кьуле выгыргас».
Дагъыстанад Кьухьнийде ч1ел  вылц1ади, Муса Мусаева гьухьур, гьатхы1д юкьды сыда Махачкалди балад гвалахбыр гьыъыр а.

«Луза гьаъара а ц1инды  мехьтебыр, хынимешды садикбыр, больницамыд идарабыр, ра1хъбыр, дюзгин ваъара а инфраструктура. Гьа гвалахбыр еримиш руъура абыр йиъи джат1ур хыл вырыхы1дыла Дагъыстанад Кьухьды Рамазан Абдулатипова» , — гьухьур Муса Мусаева.
Республикадид Кьухьние гьухьур, Махачкала — джурад шегьер виъи, гьилине адишды аура ад.

«Миди, Тарки-Тау банад кьанахьде ва Каспий дерьягьад бегеде сыт1а йишир а балад халкьбыр на  динбыр, са вишир а банымыд меркездид атмосфера. Гъийгъа е ешемишды ер джигьилне хывыркьанакун ки, гьадихьда анийиъи эвелды гьагъзырды сыдыла балад тарих яшайишед. Октябрь вазыра 1857 сыда император Александр II-е игъивир ай указ Петровск хьур портовый шегьер учредит выъынид. Гьадыла хъуъ и кагъу1ре ад шегьердид тарих. Гъийгъа, 160 сен гьатхы1дыла хъуъ, ес гьагвара а, шууна российский захолустьедикла, бязь агъахад, мысмарбыр гьаъад, балугъ къури ваъад, са-кьва1б гостиница, тукан, аптека ва кинотеатр ад, Махачкала вишир ади гьамыъды мегаполис.

Гьамыъ ихьды бырдж йиъи Махачкала йишидыхъунды быт1рана выъын: ра1хъбыр, коммунальный инфраструктура, паркбыр, кьа1чивалды  угъвургъад ербыр ва маддыбыр. Гьа1бхы1д вахтинди гьадид сура балад карбыр гьыъыр а, амма гьаъасдыбыр ки мидыла хьуъ бала йиъи. Руъура ад дегишвалдымы шегьерди абыр эккене рази диъи…
Многоквартирный халмыд 11 ма1хлиди йыгыр а реконструкция, 25 ма1хлиди капитальный ремонт, дюзгин гьыъыр а 7 спортад площадка. Бегьем руъура а сахьусды этап ра1хъбыр дюзгин гьыъынид. Ленинский районди 16 улица ремонт выъыр а, 8 — Советсткий районди, генеки 10 — Кировский районди Махачкалдид. Сыдыд ахира йыхы1р   плынди а 64 улица реконструировать выъын. Выъыр а этнокультурная аллея «Город мастеров» хьур дур гъад. Гьад гьунар, гьелбетдики, йиъи меркездид мэред Муса Мусаевад, гьанийды командадид. Гьабишихда изды сура ва шегьерди абишды сура анакунки балад суалбыр шегьердид агьвалатад бадана, амма, джухьус йикисдиш, шегьердид агьвалат йыгъ йыгъала йыха вуруъура хьур. Сахьусды кьул шегьерди абише джва1р йыхана увуху1р йыгара джухьды меркез, хусуси хал ка. Е чалыш  дикис лаъ гыргас малый ва средний предпринимательствабыр, промышленность. Гьадисды потенциал аниъи яхда», — гьухьур Рамазан Абдулатипова.
Дагъыстанад Кьухьние генеки гьухьур, гьадхы1д сыдыд ахира йыхы1р Махачкалди игъийир а 10 млрд. манутад продукция. 41 млрд. манут инвестициямыд йидкьыр а…
Хьели сиене шегьерди абишис ва дагъыстанабишис къутли выъыр 160-сыдыд юбилей, йыхды гвалахбыр, яшайишбыр къисмат гьыъыр Дагъыстанад Кьухние.
Гьадыла хъуъ Лениед площаде шегьердид юбилейес гюре ква1ч1ур ай быт1рад концерт, бегьем йишида йишир ай байрамад фейерверк.