Махачкала шегьердид кьухьние Джамбулат Салавова иштрак гьыъыр встречади, Российской Федерациедид Президенте Владимир Путине йыгыд муниципалитетмыд кьухьдыбишихьван «Малая Родина — сила России»-хьур III Всероссийский муниципальный форумас гюре, выгыргара ад ерлид гвалахад суалмыд бадана гуджли гьаъасна мааки социально-экономический потенциал валаетдид.
Меркездид мэре гьади ихтилат гьыъыр Махачкалди ад агьвалатад ва шыв гьаъара ади эккед гьугълумыра зиянбыр выдыла хъуъ.
Гъийгъад йыгъахьван хьедбыр итхьуд маданийиъи 3 755 хал-лах, шегьерди 365 кучима гид. Эккед зарарбыр выр а шегьердид инженерный инфраструктурадис ва муниципальный хозяйствадис. Хьедбыр идхьуд ерма гъаъ дыгыр а 1 107 инсан.
ПВР-ма ешемиш диъи 447 инсан. Инсанашис кывылц1ара а бик1ерды улесды, выр а сахьусды лаазимды карбыр, валыг-чалыг, гъилабадыбыр, ва гьаъара а медицинский куьмег. Шегьерди 13 ПВР анийиъи ва артухды ербырки инсанар садгъусды. Джат1ур вац1ара ваъара а йишид зиянмыд кьимет ва вылц1ара а куьмег зарарбыр йишибишис. Выъыр а 51 гвалахад группа комиссиямыд халмыхда ва кардымыхда гадкьа1сды инсанашды.
Гъийгъад йыгъа гьабыр гадкьы1р а 2 507 хал-лахахда. Выр ад 5 201 гьа1рзидихьван гьыъыр заключениебыр сигыр а социальный защитадид идарама. Уже выр а регионмыд 1 128 выплатабыр зиянбыр йишибишис.
«Джурана гьухьус йыгара, сиене гвалахбыр гыргара а федеральный центрахьван сыт1а. Владимир Путине хайиш гьыъыр ай, хъуъ сидживир к1ыбди гада1кь, хьур, зарарбыр выр ад халмыхда, эгъет1е кьарарбыр дюз-дюзгин хъаъасды халбыр ва лаазимды сиене куьмег высды инсанашис, эгер адишне йишийне ки сиене документбыр. Гьухьур ай куьмег вияъ, хьур, гьекъийкъатана ва йишидыхъун к1ыбди. Гьадыла, зарарбыр йишид инсанашис выси лазимды сиене куьмегбыр. Сагъул ваъара Российский Федерациедид Президентес Владимир Путинес ва Дагъыстан Республикадид Кьухьнийис Сергей Меликовас джат1ур хыл йывхы1нис гюре, к1ыбды эгъелт1ед кьарармыд бадана. Гвалахбыр луза джыъыр йыгъа-выше гьаъара мада гьамыъки», — гьухьур Салавова.

Б. МЫХАIДЫ