Дагъыстанди 9-ды му1къа1 2 гьагъзырала балад халмыс зиян-зарарбыр выр ай, МЧС Россиядид хабардихьван.
«Хье лидхьур маданийиъий йывды муниципальный образованиема 9-ды му1къа1 2075 ешемиш дуруъуд халбыр», — выъыд хабардихьван.
Гьадыла саваенди, хьебыр лидхьур бербад гьыъыр ай 1817 багъ-быстанбыр на халды ербыр ва 173 ры1къмыд участок.
Дагъыстанди временно ешемиш дикисды 15-ды пунктма дыгыр ай 731 инсан, гьабишик кине 241 хыныхки.
Гьадыла хьурагинды хабардихьван, вахтинди, хьедбыр лидхьусма Дагъыстанди Дербентский районди ад Геджухский хьед хакьыр ад дамба гьубкьыр, 350-дыхъунды инсан хьидире ла1шуд му1къма гъаъ эгъет1ир ай.
Кирки-хьур дагъыстанабишды му1къа1 юхурура гьудкьуд халды кьанакля ахъыргыр ай рикьид хьыдылды.
Гьадыла саваенди, Дагъыстанди дыркьыр ай гъилы юкьды хьыдылды на хыных, рыкъа1 идхьуд юхурмыра дихир.

Б. МЫХАIДЫ