Республикади выъыр а оргкомитет гьазырвалдыбыр ва мадды гвалахбыр кьуле гыргасды Россиядид халкьмыд сава1лид Сыдыд ихьды Дагыстана.
Гьадис лаазимды распоряжение гьа выъыр а, хьур, къул диъир дестикь гьыъыр регионад кьухьние Сергей Меликова.
Республикадид кьухьнийды пресс-службадире выъыд хабардихьван, оргкомитете кедир а гвалахмыд кьухьдыбыр ва халкьмыд организациемыд инсанар.
Ми ха1фтидис Дагъыстанад кьухьние выгыргаси сахьусды оргкомитетед иджлас. Гьади дестикь гьаъас гвалахмыд план сиене республикади ад шегьерма на районма гыргасды.
Йик1ыы лахъахара, президентед указахьван 2026 сен гьыъыр а Россиядид халкьмыд сава1лид Сенне.

Б. МЫХАIДЫ