Сулейман-Стальский районди Дагъыстан Республикадид Кьухьнийды ва Правительствадид Администрациедире выгыр ай зональный кустовой семинар-совещание. Гьади иштрак гьыъыри республикадид Южный зонади ад 14 муниципалитетмыд къуллухчийше, сыт1а агъмиш гьаъас халкьдид яшайишди лаазимды суалбыр.
Мыха1д райондид делегациедире ки муниципалитетед кьухьнийхьван Давуд Сулеймановыхьван сыт1а гьади ерлид ербыр йыха гьаъасды суалбыр агъмиш гьыъыр ай.
Убур йыхы1р ай хьуланды гьакьасабырмыс:
— внутренний политикадис ва муниципалитетмыд гвалахас;
— йыха выъын ерлид самоуправлениедид гвалах, сечкибыр ади выгыргад вахтинди ки;
— шыв ха1ле ади муниципалитетма Информационный политикадид гвалах, шууна выгыргара ади ва шыв мышатвалдыбыр ади;
— Дагъыстан Республикадид Кьухьнийды поручениебыр шууна кьуле гыргара ади;
— коррупция дживикисды гьакасабырмыд суал ва джама1хтис ашкарана шууна выгыргара ади кьухьдыбише гвалах, инсанар раази дишин бадана;
— шууна къейд гьаъара ади муниципалитетмыд правовой актбыр, гьамыд регистрациебыр;
Джураана убыр выъыр ай джигьилешды политикадид гвалах лаъ-хьуъ выъынид суалмыс ва джигьилеше иштрак гьыъынис федеральный программама, меселла, «Пушкинская карта»-калды.
«Движение первых»-хьур ерлид джигьилешды отделениемыд гвалах.
Гьа семинара иштрак гьыъынис гюре Мыха1д райондид делегациедида йишир выс кьимет джва1р выгыргара ад джуьхьды гвалахас ки.
Семинар-совещаниедире гьагва гьыъыр, Дагъыстанад юг лаъ-хьуъ вишин бадана, сиене муниципалитетмыхьван ари хана сыт1а гвалахбыр йыгыр йыгад. Мыха1д район гьадис гьазыр виъи.

Б. МЫХАIДЫ