25 ноябрес Дагъыстанад Правительствади ха1сил дишир ай регионад Кьухьды Сергей Меликов на чемпион UFC Ислам Махачев.
Сахьусды кьул Сергей Меликова къутли выъыр Ислам Махачевас таарихдид гъаалибвалды, гьухьур, гъийгъад йыгъа гьанийхьван лийкьыд адиш.
Йик1ыы лихъийис, дагъыстанабишды смешанный единоборствамыд боец йишир а сахьусды российский боецешикла лювшуд кьва1б чемпионский пояс UFC кьвунды веса.
«Джат1ур гьухьус йикиси, сиене Дагъыстанара, ихьды валаетдид сиене инсанашихьван сыт1а, ха1фте хьурагине выш накь джыъыр лийир ай, гюзет гьаъара йакв, бой викисды вахт. Ислам, ва маа гьагва гьыъыр выды дуруу гьаъад писды ч1елмыс вахьван ари йыдхы1с йыгабишды, джываб выс руъуд выды чалышва1лихьван, замха1тахьван гьа джетинды поединока. Вы маа хъиркькьыр Ватанды гъалиб йишир — хахъына кьва1бхьусды ч1ил! Гьа эккед гьунар йиъи», – гьухьур Сергей Меликова.
Джуду суруула Ислам Махачева сагъулбыр гьыъыр республикадид кьухьнийис кюмег вылц1ара хьур джухьван сыт1а сиене Дагъыстандид палыванашис.
«Зы раази йиъи, шад даъас йишидыла ихьды инсанар лювшур кьва1бхьусды ч1ил UFC…
Гьац1ара, гьа йыгъа сиене республика сыджывхыр ад, гадкьа1ре захда. Сиенебишис эккед сагъул!», – гьухьур Ислама.
Гьади Сергей Меликова Ислам Махачевас выри ху1кийметед награда – медаль «За заслуги в области физической культуры и спорта»-хьур. Гьадыла саваенди гьасад медаль выр ай гьанийды тренерес – Сайфула Магомедовас ки.
Республикадид Кьухьние выр гене Ислам Махачевас картина – джуды шикил кид кьва1б ч1ил хана.
Сергей Меликова гьухьур, Хабиб Нурмагомедовас ки выр а Дагъыстанад ху1кийметед награда.

Б. МЫХАIДЫ