Сечкимыд сесбыр выс иштрак гьыъыр ай 6 шегьердид ва 38 муниципальный районмыд инсанаше, сиене сыт1 сесбыр ийир сечкима 1.3 млн. балад дагъыстанабише. Избирателешды явка эккед виъий, са Махачкалди гьа вишир ай 75 % .
Сергей Меликова гьухьур, выдж шад йиъи — балад инсанаше йыдкьыр джуьхьды сес ивир. Гьание гьухьур, мыкьлад гьавыдыхда гаджадкьы1р, сасад джигима йиз лугъур ки, дагъыстанабыр йыдкьыр ай избирательный участокма хизанмыхьван.
Республикадид кьухьние гене гьухьур, балад видеоматериалмыра гьагва гьыъыр ай гьекъийкъат ад байрамад атмосферабыр, мукIмыд, наIгIнимыд, ва улед-рагъадмыд.
Гьание сагъул-варулбыр гьыъыр избирательный комиссиямыс ва сечкибыр ка1ч1уда бегьем руъума гъилы-кьулы гъабишис. Эккед кьимет выр Сергей Меликова МЧС къуллухчийшис, правоохранительный органмыд, транспортад Министерствадид ва тукмыд Министерствадид гвалахас, лувза джывыъыдыла избирательный участокмыд гвалах йа1кв джишир ва нагьакьды гвалахбыр йишир.
Гьание йик1ыы лихъийир, джу мысга мидыла хьуъки рухьуд ка, сечкибыр йыгыр йыгара йишидыхъунды инсанашис раха1т йикисне ва раази дикисне. Сергей Меликова умуд выъыр, сечкимыд итогбыр шудыбыр йиширдики, кет1ид ц1инды депутаташе ва муниципалитетмыд кьухьдыбише выгыргас, хьур, дюзгинды гвалах инсанашды яшайиш йыха, лаъ-хъуъ гыргасна.

РS.
Йыхана йыгыр ай сечкибыр ихьды Мыха1д райондики. Балад инсанаше йыдкьыр сесбыр выр джуьхьды избирательный участокма — явка райондид сечкима вишир ай сиене сыт1а 83,2 процент.

Б. МЫХАIДЫ