Выхадниед йыгъа, 13-хьусды апрелес Дагъыстанад Правительствадид Седри Абдулмуслим Абдулмуслимов таныш йишир кьыlдид чlирмыхьван республикади Северный зонади ад, гьили кьыlд лахара ад 2 млн. чlабалашды хыlбырмыра.
Гьа гвалахад видео Дагъыстанад премьер-министред ихтилатмыхьван сытlа ливир а правительствадид официальный страницады.
«Дагъыстанад Правительствадид Седрие Абдулмуслим Абдулмуслимова джуду плынди ад отпуск каlчlур мадана мысга таныш руъура муlкъмыд ермыхьван беслемиш гьаъара.
Дагъыстанад Северный зонади ана, Абдулмуслим Абдулмуслимов гакьыр ай шыв хаlле ади гьацlара гьаъас, хьур, кьыlдид чlирбыр 2 млн. чlабал гъад. Гьаатхыlд сыдырма миди выгыр ай дюзды гвалах хыlбыlд перегон ва чlирмыд эйлуг гьыъынид сураа. Гьадыхьван сытlа лебшуд хайир ки бала руъура а, выъыр ай гьа хабар кабминед пресс-службадире.
Хьад — сельский хозяйствадид эккед джываб гъад вахт виъи, — аграриер гьазыр дуруъура маlхсилбыр езес, хаlбаlхъаlнеше гьаъара гьазырвалдыбыр хъыгас хыlбыр банымы ад гъыlлдид чlирмы.
«Зас гьацlадыла хъуъ республикадид Северный зонади апрель вазыра садаки мисед къалинды укь йишиддиш. Гьадыла мидыла хъуъ ки чалыш дикиси лаъ-хьуъ гьаъас сельский хозяйства на чlабалар кьы1дид зонади, йисхьурди отгонный мал-къарамыд накьумы гьабыр сахьусды лаазимды хайир вылц1ад гвалахбыр йиъи», — гьухьур А. Абдулмуслимова.
Вахтинди ва дюзгинне эйлуг гьыъыйне ч1ирмыд, йыхды вуруъура хьынки, балагема ишлемиш гьаъас руъура ч1ир-ч1ыкки, гьадис гюре ц1ам хардж руъура лебшуд ва гьазыр гьаъад гьа1ла1хьбыр, йыха руъура малмыра вылц1ад хайирбырки

Б. МЫХАIДЫ