Йыхды медиаконтент гьыъын, фейкмыхьван даlгьви выгыргасды: гуджли ва йыха выъын республикади Дагинформадид ва ЦУРад сытlа выгыргара ад гвалах. Гьасад суалбыр агъмиш гьыъыри РД-над информациедид ва печатад Агентствадид къухьды Арсен Юсупов на Дагъыстанад ЦУРад кьухьды Исрафил Исрафилов хаlсил дишийне. Хаlсил дишид арыди гьухъур ай, гъийгъа аа-уу ад агьвалатахда гадкьыр бала лазим руъура инсанашы кlыбди ва дюзгинне лийкьа гьыъын дуьнйадид цlинды хабарбыр.
Джураана агъмиш гьыъыр ай суал, шууна мааки йыха ваъасди сытlа выгыргара ад гвалах информационный средади фейкмыхьван выгыргара ад даlгьвиед сураа.
Бегьем дишида гьа гвалахмыс гюре эгъетlир кьарар ваъас хьур гвалахад группа, кlыбди дерде викисды ва ишлемиш гьаъасды джуды гвалаха Дагинформациедид ва республикадид ЦУРад сытĺа ишлемиш гьаъасды ресурсбыр.

Б. МЫХАlДЫ