Дагъыстан Республикадид Кьухьнийды Сергей Меликовад поручениедихьван республикадид Правительствадире сигас хьур а резервный фонда 4,1 млн манут тангымыд выплатабыр гьыъын бадана ветеранашис Великой Отечественной даIгьвидид 1941-1945 сыдырмыд.
Регионад министрешды кабинетед пресс-службире выъыд хабардихьван, гьа тангабыр сигасды йиъи мадад гьаIр Великой Отечественной даIгьвидид иштракчиес вын бадана 500 гьагъзыр манут.
Гене гьадыла саваенди 80 гьагъзыр манут единовременный премия ка высды йиъи «Жителю блокадного Ленинграда»-хьур знак выр адбишис, хынымер диъине концлагерма, геттоди ва мадды зинданма дишидбишис, фашистеше ва гьабишды союзникеше гьыъыд дуьнйадид КьваIбхьусды даIгьви ад гедене.
ЙикIыы лахъахара, единовременный выплатамыд кьарар Дагъыстанад кьухьние Сергей Меликова эгъетIир 1-хьусды февралес Республикадид «Победа»-хьур оргкомитетед иджласа.

Б. МЫХАIДЫ