24 июлас РД-над Правительствадид Седри Артем Здунова иштрак гьыъыр регионмыд научно-практический конференцияди «Горно-отгонная система ведения овцеводства, ее роль в развитии отрасли и решении социально-экономических вопросов в регинах России» хьур.Конференциядид иштракчийшис хош-беш выъыда, Артем Здунова гьухьур, Дагъыстана яшайишед сиъин сурбыр ц1ине руъура а, сахьусды кьул, экономикадид сураа — сельский хозяйствади.
Е чалыш диъи промышленностехьван сыт1а аграрный сектор ки ла гьаъас. Гьавыдирене ва Дагъыстанад гьадатмыра еда хайиш гьаъара сельский хозяйства лаъ ваъ хьур ва гьадыхьван сыт1а животноводство ки. Гьадыла саваенди миди гьилине адишды калды отгонный животноводство анивиъи.
Гьадыла саваенди республикади уху1р маданиъи племенной хозяйствабыр ки. Гъийгъа миди ихьды бырдж йиъи — кьабыл гьыъын мерабыр, лаъ-хьуъ гыргасды гьа гвалахбыр»,- гьагва гьыъыр приоритетбыр Артем Здунова.
Гьанийды ч1илмыхьван, овцеводство Дагъыстанди гьу1мирлыхалахъу ад сиене халкьмыд пеше виъи, илсанас хьыв кывылц1ад: «Ес гьагвара, гьадыла асыллы виъи сиене сельский хозяйствадид лаъвалды, гьадыхьван сыт1а сиене экономикадид ки».
«Дагъыстана гъилы лиере а гьамыъды вахтиндид цехбыр, ч1аблад як переработка гьаъад, вакуумный улесдымыд упаковкабыр гьаъад, гьыъыр гьазыр йиъи гьамыъды предприятиебыр якыдид продукцие переработка гьаъад. Уверен йиъи, ихьды гвалахбыр мийманашис бегемиш йикиси. Эгер ва1 выхьды гвалахмыхьван е таныш дыъыйне, ч1ел адишне, еда йикис миди ки гьабыр кьуле гыргас. Къисмат йиший ва1с йыхды гвалахбыр»,- гьухьур дагъыстанабишды правительствадид седриере.
Дагъыстанад агропромышленный комплексед агьвалатакла гьалгыри РД-над сельский хозяйствадид ва продовольствиедид министр Абдулмуслим Абдулмуслимов. «Дагъыстанад аграрный потенциал эккед йиъи, миди аниъи: сиене Россиядид ч1абалашды хьуб пай республикади аниъи (1 ер Россияди) , 5% бала къарамалад (3 ер), хьиб пай агъахад ху1кимете т1ымлад (2 место), 8% джилады емишмыд (1 ер), 4% хукады емишмыд (4 ер), 25% дынымыд (1место)»,- гьухьур гьание.
Овцеводстводикла гьалгади, Абдулмуслим Абдулмуслимова гьухьур: «Эгер мидыла хьуъды сыдырма ху1кимете ч1абалашды ва ц1иешды яц1 ц1ам руъуд вахтинди хьиба хылис, Дагъыстана гьамыд яц1 адкал адгыр, гьадыла саваенди ми сыдырма лаъ хъиъине а.
Статистический данныймыхьван ч1абалашды яц1 республикади 1 январес 2018 сыда йиъи 5,3 млн, гьамыкла 1,6 млн. аниъи сельхозпредприятиема, 2,4 млн — КФХама ва 1,3 млн. ки ЛПХама».
Министред фикирдихьван, дагъыстанабишды халкьдид гвалах выгынвалды на ху1киметед кюмгихьван сыт1а овцеводство йыхана лаъ выгыргас йикис.
«2017 сыда ч1аблад темизды як игъийир ай 33 гьагъзыр тонн, 14,3 гьагъзыр тонн дыныд, 115 тонн ч1аблад нисидид, гьухьус йикис йишир а хьур Российский бренд «дагестанская баранина» хьур. Ха1р сыда Дагъыстана гъаъ Россиядид регионма йихире а 750 гьагъзыр ч1абал сагъана ва убгур. Дагъыстанабишды ч1аблад як мадды ху1киметма ки ягъа1ре а, сур сыдыд арыди Иранди сигыр а 1650 тонн ч1аблад якыдид»,- гьухьур Абдулмуслимова.
Хьеликана гьа суалакла гьалгыри «Национальный союз овцеводов» хьур некоммерческий идарадид генеральный директор Егор Михайлов.
