ГьабхыIд хаIфтидис ихьды редакциядид «МыхаIбишды цIинды хабарбыр»- хьур дур гъад газетед къуллухчийше, мыйды инсындыре, МФЦ-ди дыхьыр джваIршис дюз гьыъыр ай болельшикед картабыр.
Гьа карта йыгад и мистед сыда 20 июляла хъуъ футболмыд матчма, гьа хадишне са стадиона ки сидигасдиш, я билетбыр гьалысна высдиш. Карта болельщика дюз гьаъас руъура хаIр инсындида джуда госуслугамыд приложенияда ва дыхьыр МФЦ-ди ки гьаъас йикиси. Гьа идарадид къулухчийше жваIрше вырыхыIре шикил, ацIа гьаъара лазим ид кал кагъатбыр. Сиене лазимды гвалах выъыр, выр карта болельщикед номер ки, тестикь гьыъыр рыкъаI ахъатхара. Гьадис гюре, гьабишис виъи эккед сагъул.
ХуIрметли ихьды газет кьыле гьаъад юлдашер, гьалыс болельщикед карта йыгарди, гьацI, ваIс эккене кюмег йикиси МФЦ-да хьуъ дюз гьыъыйне гьади гвалах ваъадбише.

Насир Ибрагимов