29 ноябрес Мыха1д райондид кьухьды Давуд Сулейманов ха1сил йишир ай Украинади Россиядире гыргара ад 2022 сыдыд февраль вазырыла хъуъ специальный военный операциди иштрак гьыъыд Аран мукъа1ды Султанмагомедов Сиятин Зайналабидовичехьван.
Гьа йигит СВО-ди иштрак гьаъас йыхыр ай джуду йик1я лувзур 2 декабрес шесды сыда. Сиятин Зайналабидовичды контракт лат1ур ай сур сыдыла.
Гьанийыхда анидиъи 4 хыных. Не къари, не выг1ыл гвалахмы гъаддиший.
Гьа хабар Мыха1д райондид кьухьнийис вишийне, гьади мадана Давуд Амаевиче Сиятин Султанмагомедов гьыъыри гвалаха, Арандид мехьтебед автобусад шоферне.
Райондид кьухьнийхьван ха1сил йишидыла хъуъ гьа йигит йиркьыр ай ихьды редакциеди.
Гьади гьыъыд ихтилатмыкла, суалмыкла ва гьа инсындикла йе гьазыр гьаъаси урус ч1илылады статья мирджед ихьды газетес.

Юрий Магомедов