Дагъыстандид врио вице-премьер Абдурахман Махмудов йыхьыр ай мийманва1ле специальный военный операциедид иштракчиехда Мурад Гаджиевахда хала, ешемишды Буйнакскади.Да1гьвиди Мурад йыхьыд йиъи добровольно 2024-хьусды сыда – гьа вахтинди да1гьви ад зонади анидиъий гьанийды юкьур двоюродный шуба1. Штурмовой бригададик кине гьание гьувга выъыр джуду йигитвалды. Гьадис гюре гьанийис выр ай ху1киметед наградабыр, гьамык кине орден «Мужества» ки. 2025-хьусды сыда мина т1ут1кьур гьа йишир юка1не яраллы, 18 операциедыла хъуъ гьа аргыр кьва1дси хыл ки гъил ки кидишне.
Гьади ана Абдурахман Махмудова хуткур гьац1ара гьыъыр хизындида, шыв куьмег вылц1ара ади, вахтинди лийкьарама хьур тааликьды гьанийис тангабыр ва шыв куьмег вылац1ара ади еринды ад кьухьдыбише.Эскеред бегедебише сагъулбыр гьыъыр Буйнакскади ад «Защитники Отечества»-хьур фондад координаторас Магомедова Асиятыс ва шегьердид кьухьнийис Махач Абдулмуслимовас, арендади лешуд гьабишис хал сахьусды гьавыда, Мурадыс раха1т йишин бадана хала гъаъ а1гъа1ч1ус. Амани джуьды хусуси хал гьала адиш.
Абдурахман Махмудова Гаджиевашды хизындис ч1ел выр, таликьды ведомтсвамыра кюмег выс хьур ягъмиш гьаъас лазимды документбыр, шегьердид кьухьдыбыр чалыш дикис йишидыхъунды к1ыбди кьуле гыргас гьа суал.

Б. МЫХАIДЫ