Бейхабарна ц1ыдды ха1лаа ц1ай йийир,
Банбыр ешере а, мардиш хьур Арсен,
Хизындиде хабар хъывыр, вай ивир,
Халкь вешере а, вы мардиш хьур, Арсен.

Машаллагь, вы гьухуд дидис, нинис,
Баракалла вы лаъ лиркьыд накьвудис,
«Дид джан вай», — хьур дешесды хинимешис,
Хизан вешере а — мардиш дид, Арсен.

Дид ки джигьилне дуьнйаадыла гьаархы1д,
Нине йигитере кал ваь удуху1д,
Юкьды веледдид кьулу у йыгъ йидкьыд,
Нин решере а — «Вай, мардиш дух Арсен!

Дидабашды йик1е ана гьунарбыр,
Т1иде мирийа гъад гьатхыд чинарбыр,
Дидды халмыд гьа1йнебендид айванбыр,
Гъийгъа ешере а эльдихьван, Арсен.

Джан лаьшус хьур, риге йиркьыд бандеред,
Ватандид рыкъаь кеет1ир са тедерег,
Джан сихьири ва, мыха1бишды велед,
Дуьнйаа вешере а-РаIх1мет, вас, Арсен!

Эльмира риши, Йинчире ваьс сабыр вийихь, макам джуды дженнетди йишихь, малаикеше джуды рух1 шад гьыъыйхь, сыр джуду нурдид йикихь, Аллагьара джус раIх1мет выъыйхь, джан риши!

Шафи Амсари