ООО «Газпром межрегионгаз Махачкала» идарадире йик1иы лихъиере а а1хтиетва1лид правилабыр, гюзет гьыъыр йыгад ха1р са газ ишлемиш гьаъад инсындире.

ООО «Газпром межрегионгаз Махачкала» идарадире йик1иы лихъиере а а1хтиетва1лид правилабыр, гюзет гьыъыр йыгад ха1р са газ ишлемиш гьаъад инсындире.
Сахьусды кьул, газад ил ана йишийне, сес выъыр йыгара специалистешихда. Телифуна 104 номера званук гьыъыр йыгара яки служба спасениедид 112 номера.
Гьа1рнийды халды джываб джуду джуда ха
Шыв ха1ле ади газад пич ва балун джываб выр йыгара халды иессиере:
– Халды иессиед бырд йиъи темизне хывкьас газад пич, хьед бик1ере гьаъад котелбыр. Макъыет дишир йыгара гьамыд гвалаха.
– Эккед убур выр йыгара а1хульк1ад гъы1дилды шлангас: гьады рук1ур гана йыгардиш, диъир ана йыгардиш ва тукад кардымик кийкьыр йыгардиш. А1хульк1ад шлангахда йишир йыгара сертификат.
– Газад пичед бегеде хынимешде дюльхъес выр йыгардиш гьа газ люк1ур ади.
– Ихтияр адиш мыкьды вахтинди хала газахьван рывыр ийис, улесдыбыр гьыъыныла гъайир.
–эккед убур йыхы1р йыгара газ сирхьед хала ермыс – сасадбыр чалыш дуруъура, шерди халма ад, гирк1а гьаъас газад турбабыр шкафма, масалмыхьде гийис. Газ ад баниди чалыш дуруъура вентиляцие къавыхьде гъигъе гьаъас.
Сиене гьасад гвалахмыра джетин гьаъара газас хала гъаъ руъус, гьац1ара гьаъас ха1гъу1д-ха1джагъу1д, гьадис гюре газ ягъмиш бала руъура джац1ара.
Шыв гьыъыр йыгара, эгер газад ил ана йишийне?
Газ ч1ири ид сахьусды илдыла гьац1ара.
Гьа т1екьикьеды званук гьаъ 104 ва 112 номермы, хала гъаъ а1гъа1ч1ур.
Газад ил ад хала званук маъ, зиян вынис минкир виъи!
Хала гъаъ дуруъусма, йыгара газад кранбыр гъигъе гьыъыр, гъуьлибыр ачых гьыъыр.
Сатхъа1-люк1а гьаъас йаькбыр ихтияр адиш.
Къумшиед хала ил газад ана йишийне, званук маъ ригила, рак етаъ.
Газад къуллухчиер йыдкьыйне, гьабише сиене дюз-дюзгин хъаъас.

З. МАГАМЕДОВА