Ихьды ма1хлиди йиркьыд рыш
Выды дур йихьяъ на, ай хъыргад,
Дурус выды зы кьурбан йишихь.
Вы рыкьасды рыкъы1 кьва1б ул гьад,
Рыкъы1с выды джан кьурбан йишихь.
Джан рыш ихьды ма1хлиди йиркьыд,
Яраб выды йик1е шыв адихь,
Лархьур а вы, заала хьуъ кееръид,
Йис вы заала бизар риъидихь?
Ара хывхад:
Дуьнйа вада ха гуьзел, алем вада ха,
Дуьнйадид быт1равалды, видж вада ха.
Быт1рад улабыр вада, т1ылбыр ха вада,
Валлагь! Зы хьур, захда ад, йик1 вада ха.
Шудаъ зы гакъара сатаси,
Ха1саба диш, вас зы ма1хлидаа.
Ха1ля ха1дийбыр за сет1еси,
Ры1хбыр джыъыр, йагъа1ъ ва зада,
Ара хывхад:
Джан рыш, ихьды ма1хлиди йиркьыд,
Ва закла са меджнун гьыъыр а.
Выше сукьур шейирбыр кихьид,
Выды дурус за бахш гьаъара.
Ара хывхад:
1. Алем (туьрк)-дуьнйа, (вселенная).
2. Меджнун (туьрк)-рыгад рышед дердере ла1шур, чулма ирхъуд инсан.
3. Бахш гьыъын (туьрк.)-са кар сынийис пешкеш гьъын.
Ц1инды сыдыд выше
Рыкъы1 выше кьва1б ул гъана,
Текды хала са зы а, йар.
Хъыгад, са вы йик1иы гъана,
Ц1инды сыда са зы а, йар.
Ара хывхад:
Са умуд ки, ми ц1инды сыдыд выше
Дед Морозад дунди ана вы руъуд.
Са умуд ки, ми галды сыдыд выше.
Белке, ра1хим вишир, зы йик1иы руръуд.
Ц1инды сен, выдж гъаъ йидкьыр а.
Ама зас салам выр адиш.
Гъарибене зы суркьур а,
Ракбыр гьигье гьыъыр адиш.
Ара хывхад:
Гьац1ара, зас вы йыкьасды,
Ми йизирмык быч1быр хана.
Гьац1ара, Елка лювк1асды,
Xа1р са рангад йа1квбыр гъана.
Ара хывхад:
Ха1джи-баба Ху1сейновды
шур тесниф Марал
Къарпыз кьат1 выъыр адиш,
Сукьур вуъулед адиш,
Зы йарахьван гьехълебийне,
Гуьзуьн айдын,- рухьуд адиш, марал.
Ара хывхад:
Вы гьалды риъи, марал?
Банымыд риъи дилбер.
Хъу1ргъу1нахъун, гьаргва хъараъ,
Йик1 гьутхьа маъ, марал.
За кьат1 выъыд нар виъи,
Улаа нагьв хар-хар виъи,
Гьемиддухъун эккед дуьнйа,
Вы адишне дар виъи.
Ара хывхад:
Лала быч1 быт1рад йиъи,
Лидкьаси гъаъ хьад йиъи,
Йыгъа, выше гьеч леджет1ир,
Кьва1б ул ва у гъад виъи, марал.
Ара хывхад:
Телебе
(студентешды на1гьни)
Шадды йыгъбыр йик1иы гьад,
Телебе, телебе, телебе,
Геледжекдид рыкъа1 ад,
Телебе, телебе, телебе.
Ара хывхад:
Уле нагьвбыр руъура,
Мехьтеб йик1иы хъибкьыйне,
Гьад мигьрибан, гьад гьа1зиз,
Йыгъбыр йик1иы хъидкьыйне.
Дидды, нинды уле ад йа1кв,
Телебе, телебе, телебе,
Ачыхды гьу1мирдид ра1хъ,
Телебе, телебе, телебе.
Ара хывхад:
Вахда а йигит ватан,
Телебе, телебе, телебе,
Йик1иы гьад даиматан,
Телебе, телебе, телебе.
Ара хывхад:
Гьатхыд банымы у гьад,
Телебе, телебе, телебе,
Ихьды хъывгад Дагъыстан,
Телебе, телебе, телебе.
Ара хывхад:
Назлы джийран
Хьадид виригъ лизды виъи,
Ай назлы джийран,
Зас бала гьа1зизды виъи,
Дердимыс дарман.
Аман, гъы1рчехъан, инсаф гьаъ,
Ай назлы джийран,
Йывхы1с мываъ — изды виъи,
Дердимыс дарман.
Ай аман, аман, ай аман,
Ай назлы джийран,
Йывхы1с мываъ — изды виъи,
Дердимыс дарман.
Ха1ля ха1дий кийпхьури,
Ай назлы джийран,
Ихьды багъди сипхьури,
Дердимыс дарман.
Мырад вагъа1сды виъий,
Ай назлы джийран,
Йарахьван зы гъухъукури,
Дердимыс дарман.
Ай аман, аман, ай аман,
Ай назлы джийран,
Йарахьван зы гъухъукури,
Дердимыс дарман.
Беден гуьзгуь йахыри,
Ай назлы джийран,
Ихьды гуьгьуьл сатхъы1ри,
Дердимыс дарман.
Зы гъехълебес йиркьыйне,
Ай назлы джииран,
Ва захда йы1кь сукури.
Дердимыс дарман.
Ай аман, аман, ай аман,
Ай назлы джийран,
Ва захда йы1кь сукури,
Дердимыс дарман.
ТЕСНИФБЫР
Азербайджан ч1илыла, мыха1д ч1илы тарджума (перевод) хъыъыр ад теснифбыр.
( Х1ар тесниф,джуды музыкадихъван дуьзгуьн гьыъыр ад йиъи.)
Шур тесниф
Джан рыш, бала хъыргад рыш,
Къаш, ул йайух калды рыш.
Ма1хле не лаъ риъиди,
Захда ул лыджывхад рыш.
Аман, гьалды риъидихь,
Дуьнйа гьалды виъидихь,
Ми джийран ара хывкьыд,
Выш бахтавар йиъидихь.
Джан выси вы бадана,
Кьурбан и вы бадана,
Ва зы хьуъ хагъухьуна,
Сукъаси зы садана.
Аман, гьалды риъидихь,
Дуьнйа гьалды виъидихь,
Ми джийран ара хывкьыд,
Выш бахтавар йиъидихь.
Шур тесниф
Ра1хъне са джийран риъи,
Бала гич1 ана риъи.
Хъыргад, вы захьван рыкьа,
Лаабт1усды девран виъи.
Ара хывхад:
Лы1хды улабыр изды,
Йик1ид хиялбыр изды.
Вы адишне йикис диш,
Са вы хьадид быч1 изды.
Виригъ, ху1вч1усды виъи,
Дурныймар хъу1гьу1сды и,
Йыгад йарас джан кьурбан-
Джыгад, маннийды риъи.
Гьурхьури са джандыхда,
Джан,- рухьуд са джандыхда.
Гьалыхдага джан марухь,
Гьурхьа, тек са джандыхда.
Ара хывхад:
Шур тесниф
Са марал ки банымык,
Ра1гъ кабгъура ч1арымык.
За йарас шыв гьыъыри,
Джиркьыд захьван вазырык.
Ара хывхад:
Задаа хырыда мару1гъ,
Йедед йик1 сатыр мару1гъ.
Зас вы бала хъыргара,
Мадды шад гьаъас мару1гъ.
Беневше быч1 диш хъу зы,
Кьул саъ выъыд диш хъу зы.
За вы маса рывыд диш,
Выд ч1ел хуувгъуд диш хъу зы.
Ара хывхад:
Са вы йик1е а1рч1ур а,
Дердере зы ла1шур а,
Гьагьзыр на са дерди а,
Сындире зы гушур а.
Ара хывхад:
Сегягь тесниф
(Сен-сен)
Ваз гъад выше, аяз кине, майдана,
Йасеменед илдире ла1шур ана.
Ама, зы ирхьуд, дыгынид зиндана-
Йа быч1 адиш, йа майдан диш.
Майдан диш, майдан диш,
Майдан диш, гьай хъыргад, майдан диш.
Изды мизы гъад са выды дур йиъи,
Зас вы рыгара, вы изды йар риъи,
Йыгъ, выш изды йик1 са вахьван ад йиъи,
Ад йиъи, ад йиъи,
Ад йиъи, гьай хъыргад, ад йиъи.
1. Йасемен (туьрк.)-сирень.
Сегягь тесниф
Зас выд ч1ел йила а,
Белке йик1иы гьамаба?
Керем йишир ирхьур а,
Са вахда ул хъумаба.
Ара хывхад:
Рыкьа, гьа1й йик1ид мырад,
Рыкьа, дженнетди дур ад.
Сывымыра быч1имикла лыъыр ал-элван,
Маа ула ес хьад хъидкьыр а, йила адихь вы?
Йик1 вахда гьутхьур мадиш,
Вала хъыгад быч1 адиш,
Рыкьа маа къуша хъидшир,
Джыдхьыд майдан сатас диш.
Ара хывхад:
1. Ал-элван (туърк.)-х1ар джуъре рангад.
Сегягь тесниф
Гаркъыри марал кал,
Ларгыр диш лалды кал,
Шыв к1ыб лехъерчири,
Вы тезимды гвад кал,
Ай быт1рад!
.
Ара хывхад:
Ц1ай мары1х джендис, хыл ливиш заала,
Хъалалгар диш вы, хыл ливиш заала,
Дыгадбишды арыди руъуд и.
Йик1 а са гьутхьур ад,
Йидж ки са вы хьур ад,
Рыкьа ва инсаф гьаъ, ай быт1рад,
Сир выды ачых гьаъ, ай хъыргад!
Девир вуруъуси
Ч1ар лизе викиси,
Йис лизе виширди,
Белке, за гьухьуси,
Ай быт1рад!
Джагьаргягь тесниф
Сафды севги, сафды фикир саптыри вас,
У1л-у1лик кыджывхы1д, вышбыр сатыри вас.
Гьадикла вас хабар адиш, гьурхьара, зы бейкеф диш-
Яраб, йилды бахтавар къисмат йишири вас.
Хьесым лыха1 йишир а,
Дур дуьнйады итхьур а.
Гич1ере йар,- гьухьус вада,
Писды дерде ирхьур а.
Ва хъа1л ваъара шудаъ гукаси,
Дердере ла1шур а зы, са ра1хим ваъ, йар,
Инсаф ки йыхды кар и, са ра1хим ваъ, йар.
Гыхы1ние хулкара,- маа вахьван гьад хъа1ль риъиме?
Вы гьала хыных риъи, вас назбыр кикад йиъиме?
Йихьяъ зада, мыс кал вы йик1иы гъадиш не сукьуд и,
За мибыр лелъед диший, ама лет1ир сукьуд йиъи.
Сафды севги, сафды фикир саптыри вас, У1л-у1лик кыджывхь1д вышбыр сатыри вас.
Джагьаргягь тесниф
Ай араа хъыргад,
Са михьид шарак,
Гьад гьигьды йик1ид,
Ачых гьаъ зас рак.
Ара хывхад:
Кьы1д лаат1ур а, хьад йидкьыр а,
Яхда рыкьа вы, йар,
Сафдды ихьды былахмыра,
На1гьни гьыъыйхь, йар.
Назбыр хад изды,
Са быт1рад изды,
Дыгынид багъди,
Ц1инды хьад изды.
Ара хывхад
Зы пашмалана,
Выды джыбра а,
Йили адихь вы-
Хуруркара за.
Ара хывхад:
