17 июлес Мыха1ад райондид Центр Традиционной культуры хьур дур гъад джигиди ад концертный зала йишир ай Эльвира Яхьяевад концерт.
Эльвира Яхьяева риъи Йирек мукьа1ды Мыха1д райондады.
Гьа ришид риъи Международный хынимешды на1нибыр гьаъад, НТВ-дире увгаваъад, «Ты Супер» хьур дур гъад конкурса финалисткана.
Эльвира Мыха1д райьнди рыкъас хьур ад бала вахт виъи, амани мадды къайгъубыр ана гьамыъ леркъыри.

Эльвира ихьды ц1инды ливере ад уфтанна на1нибыр гьаъад ха1дий виъй. Ихьды райондире гьа рыш кьабыл рыъыри лап уфтанна, гьанийхда йыхды ч1елбыр гьухьури райондид не идарамыд кьухьдыбише ва ихьды гьа зала йидкьыр ад джама1хдире.
Выри Эльвирас райондид ва культурадид Управлениедид сурула подарокбыр ва илсанаше ки быч1быр.
Эльвирара джу гьыъыри ихьды илсанашис лап уфтанды на1нибыр урус, мыха1д, азербайджан ва французашды ч1илыла.
Концертала хъуъ балад вахтинды илсанаше йых1ыри ихьды ала-лаъ виъид ц1инды эстрададид ха1дий Эльвира Яхьяевахьван шикилбыр.
Ха1силвалдыбыр йишири йыхана лап гьети хала-лахада ад кал.
Концерте иштрак гьыъыд илсанаше балад сагъулбыр гьыъыри гьеми гьакь — га1сабыр кьуле йыгыд идарамыс ва гьбишды къулухчийшис.

Насир Ибрагимов