10 июлас Россиядид Президентед администрациеди ад РД-над Постоянный представительствади Дагъыстанад Врио Кьухьды Владимир Васильев ха1сил йишир ай дагъыстанабишихьван — Ху1киметед Думадид депутаташихьван ва республикадады Москвади ва Московский области ад предпринимателешихьван.
Гьади иштрак гьыъыр ай РД – над экономикадид ва территориальный развитиедид министр Осман Хасбулатова ва постпредствадид кьухьды Изумруд Мугутдиновара.Владимир Васильева сахьусды убур йыхы1р региона ад общественно-политический ва экономикадид ситуациедис, гьагва гьыъыр лазимды гвалахад сурбыр дагъыстанабишды халкь бадана.
Джуду суруула, Осман Хасбулатова ихтилат гьыъыр «100 мехьтеб»-хьур республикади кьуле гыргара ад проектекла ва хайиш гьыъыр депутаташда на бизнесменешда гьа гвалахас хыл йывых, ля1гъу1д кюмег вияъ хьур дележек гьа кьуле гыргас.
Иштракчийше выр джуьхьды разивалды сыт1ана чалыш дикис хьур Дагъыстанад кьухьдыбишихьван гьа проект кьуле йыгын бадана.
Бегьем дишида хъуъ Владимир Васильева джывабыр хъывыр иштракчийшды суалмыс.