Джан Нин

Ниныхъаъ герамигды дуьнйады гъадиш,
Нин адишды дуьнйады шей-шурук адиш.
Нин рикьис джырвыр, уруху1с гьис чара адиш,
Аллагьад бейде рыхьыр хуткас затда йикис диш.

Джан Аллагьас, валлагь сифте ка гьац1асди,
Изды нин рикье джараъыр захьван сартаси.
Захда дерд бала виъи, шыв чара ваъас,
Изды нин сарта захьван, сиене ха1лал гьаъас.Джан нин, зы кьухьва руркьу1дхъун, гъу кьа1се руркьу1ра,
Гъуду лы1хды гьуц1албыр кьы1рч1е рукьу1рей.
Джан нин, выды кьа1свалды шывна хыбкьасий,
Джан нин, выды кьа1сва1лис шыв чара ваъасий.

Джан нин, са йыгъ хъыкадий вахьван суркьасды,
Изды йик1е ад дердбыр сиен гъаъ агъаъасды.
Джан нин, выды ширинды мизыхьван зас ха1лал гьаъас,
Изды джанде ад дердес мальха1мбыр гъаъас.

Джан нин мардишды дуьнйа зас гьидисды виъи,
Нинды уьлимед дерд бала писды виъи.
Джан Аллагь, зас дамамаъ дердехда гуркас,
Хынимар йик1иы гыдыргыр ниныхда гурт1ас.

* * *

Мадина рыш гьалды риъи,
Сиенбишихъаъ бахтлы риъи.
Сюрма калды улабыр,
Дуьнйадис барбар йиъи.

* * *
Илсындид ядал

Джийран сыва гъамабад,
Овчи магъу1й хиянат.
Гьу дуьнйадыла гъарг1урий,
Бес зы халы гъамарад.

Дарманбыр хакьыри гъвас,
Чара вишир диш выды ядлас.
Дженнетди чика вишири,
Джегьеллем балана гъагвас.

Багъди либхьуд лыс виъи,
Гъвабахда гъу гьис либхьури.
Ха1р дердахда дерд рухьардиш,
Ес етдере бала пис йиъи.

Гьурхьури, гьай гьурхьури
Гьурхьури, ц1иы лирхьури
Е выкьлана мадана
Рыкъа1, кьуле итхьури.

(Джилухурабишды лугъат)
Гюльджагьан Бабалаева,
с. Джилихур.