Джан Аллагьад нур МухаIммад

Вы Аллагьад йиъи Расул,
Дуьнйады лагъур ад са нур,
Хыле хад Къуран китабыр,
Джан Аллагьад нур Муха1ммад.

Вас выр ад Аллагьад сабыр,
Салыват виъи сылабыр,
Юкьсур Зиярат уджаабыр,
Джан Аллагьад нур Муха1ммад.Вы Мусурман Пайгъампар и,
Дин иман гъа1ле ад йиъи,
Дженнет къисмат гьыъыр ад йиъи,
Джан Аллагьад нур Муха1ммад.

Выды гъа1ле ад хадисбыр,
Йахара бейда иблисбыр,
Хиял йик1иы джидкьыд писды,
Джан Аллагьад нур Муха1ммад

Ихьды Пайгъампар Муха1ммад,
Выды рыкъа1 гьаъac суннат ,
Яхда викий бахт баракат,
Джан Аллагьад нур Муха1ммад.

Адам Хавад Зурыет виъи,
Дженнетдид дур гюрчек йиъи,
Пайгъампар улид йок йиъи,
Джан Аллагьад нур Муха1ммад.

Йыгъа ваъад хьудды кубад,
Зыкырад ун убра мадад,
Гъа1ле мабад шербетед дад,
Джан Аллагьад нур Муха1ммад.

Выды йыхды бейт китабыр,
Макка Мадинет уджаабыр,
Гъа1ле ад сивид сывабыр,
Джан Аллагьад нур Муха1ммад.

Билелде каъасвыр салат,
Дуьнйадис вац1ыр кубад вахт,
Йк1иы Аллагь и джуду гъад,
Джан Аллагьад нур Муха1ммад.

Ти дуьнйадид гьакь ха1сабыр,
Ес джац1ад суал джывабыр,
Гьаъ кубыр, леш вес сывабыр,
Джан Аллагьад нур Муха1ммад.

Къуфды зиярат

Дид йиъи ихьды Эвел Адам,
Нин риъи ихьды Ава,
Муха1ммад йиъи Эхир Хатам,
Ля илагьа иллаллагь.

Ислам диндид Шафи масха1б,
Мадинетдид мездик эккед,
Мусурманад виъи миллет,
Ля илагьа иллаллагь.

Мездике гъад шильды гюмбез,
Муджувурад ширинды сес,
Къисмат гьыъый кубас люздес ,
Ля илагьа иллаллагь.

Макади ад зам-зам былах,
Мусурманад шилды пайдах,
Пайгъампарад нур гъад чирагъ,
Ля илагьа иллаллагь.

Хидждис дыхьыр ад Ха1джиер,
Выды асха1бар эвлиер,
Муздалифа дериди ад Ха1джиер,
Ля илагьа иллаллагь.

Лыъыр джвагарды ихрам,
Аллагьад рыкъа1 гьыъыр икрам,
Альхарама сувгъур салам,
Ля илагьа иллаллагь.

Дуруъус, идды виъи Макка,
Зиярат виъи вы эккед,
Дуьзды диндид кьуфды девлет,
Ля илагьа иллаллагь.

Кубас люздир е сыт1ана,
Вахда дилегбыр гьaьapa,
Миннет виъи, кьабыл гьаъ не,
Ля илагьа иллаллагь.

Аллагь йиъи дуьнйадид Кьуфды,
Къуран виъи мысга дюзды,
Мусурманад дин темизды,
Ля илагьа иллаллагь.

Ма Пайгъампар хъикьасдиш,
Дин иман мысна сувгасдиш,
Яраб Аллагь, аахир шууна викисди,
Ля илагьа иллаллагь.

ХаIзрат-ХаIджи
Билалов,
с. Рутул