2-ды апрелес Врио Кьухьды Дагъыстанад Владимир Васильева выгыр ай совещание ху1киметед органмыд кьухьдыбышихьван.
Гьади хьуъ гет1ир ай мисед суалбыр — шууна илсанашис вылц1ара ади дава-дарманбыр медорганизациемыра ихьды республикади, ва шыв ха1ле ади гьа1зырвалдыбыр мистед сыда апрель-май вазырма йикисды Дагъыстанди спортивный борьбыдид Европадид чемпионат.Гьа суалмыд джывабырмыхьван далгыри Дагъыстанад Халкьдид Иджласад Седри Хизри Шихсаидов, Правительстводид Седриед Сахьусды заместитель Анатолий Карибов, РД-дид врио здравоохранениед министр Танка Ибрагимов, РД-дид Счетный палатидид Седри Билал Джахбаров, РД-дид ФОМС-дид кьухьнийды заместитель Рафик Бутаев, Дагъыстанад прокуратурадид сабыйды управлениедид кьухьды Татьяна Анищенко ва мадды, мадды юлдашер.
Генеки гьа совещаниеди Владимир Васильева кьабыл выъыри гьа1рзе минздравад кьухьды Танка Ибрагимовда выдж гъад гволахала сихъигаъ хьур.
Гьамыла саваенди, Дагъыстанад врио кьухьние кьыле выъыри эккед сагъвалды Уммупазиль Омаровас выр ад РФ-дид илсанашды гьакь гьа1сабырмыд уполномоченный Татьяна Москальковара.

М. Казиева