Ц1инды сыдыд хьурагинды йыгъырма, 30 декабрес, Дагъыстанад Врио Кьухьды Владимир Васильев йыхьыр ай Махачкалди ад «Забота»-хьур Дом-интерната.РД-над Правительствадид Седриед врио Сахьусды заместитель Анатолий Карибовахьван ва республикадид гвалахад ва социальный развитиедид врио министр Расул Ибрагимовахьван сыт1а гьа таныш йишир «Милоссердие»-хьур ва психолого-педагогический кюмгид отделениедыхьван, ЛФК кабинетехьван, классмыхьван. Гадыла саваенди йыгыр ай обход йыгъа кюдилт1ед ва социально-медицинский реабилитациедид отделениема. Хьеликана Владимир Васильева къутли выъыр гьади ха1р даъара абишис ва гвалах ваъад интернатад къуллухчийшис виъине ад байрам, хынимеше, джуьхьды суруула, мийманашис кьыле гьыъыр шиъирбыр ва на1гьнибыр гьыъыр.