Дагъыстанад врио Кьухьды Владимир Васильев кьулу гъана выгыр ха1р гьа1фтидид иджлас, гьади хьуъ гет1ир ай республикадид сахьусды хьури гид социально-экономический лаъвалид суалбыр.
Гьади иштрак гьыъыр РД-над Халкьдид Маджлисед Седри Хизри Шихсаидова, РД-над Правительствадид врио Седри Абдусамад Гамидова, РД-над Кьухьнийды ва Правительствадид Администрациедид кьухьды Владимир Иванова, РД-над Совет Безопасностед секретарь Абдулмуслим Абдулмуслимова, Махачкала шегьердид мэр Муса Мусаева, РД-над Правительствадид Седриед врио заместителеше, РД-над Кьухьнийды ерлид округмыд полномочный представителеше, РД-над Кьухнийды ва Правительствадид Администрациед подразделениемыд кьухдыбише.

Гьа мероприятие кьуле выгыргади Абдусамад Гамидова кьуле эдир республикадид руководителер, сахьусды шыв суалбыр ва къайгьубыр хьуъ гет1есди, гьа къайгъумыд, гволахмыд дерде а1ч1ур йигара хьур министрер ноябрь не декабрь вазырма, гьадыла саваени ихтилат гьыъыр, поручениебыр шыв услахьван кьуле гыргара ади Россиядид Президенте, РФ-дид Правительствадид седриере ва Дагъыстанад врио Кьухьние выр ад.
Владимир Васильева бегьем дуруъуди выр ай лазимды поручениебыр гьа гвалахмыс таликьды кьухьдыбишис.
Мира Казиева