РД-над Минсельхозпродад Халкьдид советед Седрива1ле керъир а Вагаб Казибеков, гьанийды заместительва1ле керъир а Магомед Абдурахманов.
Пресс-службадид хабардыхьван Халкьдид советед ц1инды составад сахьусды заседание вишир ай 24 ноябрес.
Гьа мероприятие беслемиш ваъади РД-над сельский хозяйстводид министред заместитель Джамалутдин Магомедова гьалгыри выъыр ад Советед лазимва1ликла, ва ихтилатбыр гьыъыр Минсельхозпродад кьухьды Керимхан Абасовад раиемыкла.
«Ес йигардиш Халкьдид советед заседание кагъатбыр гьыъыр са суру гет1ес. Ес сахьусды кьуле хьури гинийиъи илсанашды раиебыр, ва гьабишихда ки хъадацусна. Врио министр Керимхан Абасова шума риджеким гьухьури, Дагъыстанди гьадис лейихды институт ачых ваъ хьур, ва генеки гьухьур ай, аграрный ведомствадид къуллухчиер гьабишды органмык китха даъас диш хьур», — гьухьури Д. Магомедова.
РД-над Минсельхозпродад Халкьдид советед сахьусды заседание бала кьул кьулик кине вишир ай. Гьа мероприятие выгыргад арыды сечкибыр кьуле йыгыр ай седриед не заместителед арыди, гьадыла хъуъ кихъихьир кьабыл хъыъыр ай Советед регламентед не положениедид дегишвалдыбыр. Гьадыла саваенди, ха1р Советед членере гьеми йыгъырма хъывыр йигара джу1хьды гвалахад кьат1ламабыр йикьасды 2018 сыдык кийисне.

Мира Казиева