Дагъыстанад Халкьдид Маджлисед Седри Хизри Шихсаидова 31 октябрес выгыр ай иджлас республикадид 2018 сыдыд бюджетед законад проектед гьазырвалды агъмиш выъын бадана.
Иджлас ачых ваъади, Хизри Шихсаидова гьухьур, Дагъыстанад Кьухьнийды врио Владимир Васильева тапширмиш гьыъыр ай гьазыр гьаъ хьур республикадид бюджетед проект гьа гьа1лдире, гьадире гвалах ваъасна кюмег высды экономикадис ва кьуле гыргасна социальный суалбыр. Сиене бюджетед разделбыр ачыхна йыгара коррупциядид гьакьасабыр кидишне.
Хеликана республикадид иджласад седриере йыгыри примербыр, бюджетный тангабыр хайир адишне ишлемиш гьаъад. Меселла, гьухьур ай, гьасад джыгабыр ай, къарахылис балана вылц1ад арендадид плата спортад сооружениемыла.
Гьадыла саваенди, здравоохранениедис тангабыр рыхы1ди, гюзет гьыъыр йыгара, шудаъ иди тангыдид услугабыр ха1р са больницади ад.
Гьалгыр бегьем руъуди, Хизри Шихсаидова генеки гьухьур, сахьусды кьул бюджет кьабыл гьаъади гюзет дыъыр йыгара касиб илсанар, бюджетный сферади гвалах ваъад къуллухчиер.
Финансмыд министиреда дагъыстанабишды парламентед седрие хайиш гьыъыр сакална пай гьаъ хьур бюджетед тангабыр муниципалитетмыд арыди, гьама ад илсанашды бала-сагьа1льва1лила асылана ва гюзет гьыъыр стартовый агьвалатбыр.
Дагъыстан Республикадид 2018 сыдыд бюджетед гьазырвалды агъмиш ваъади иштрак гьыъыр РД-дид Правительствадид Седриед сахьусды заместителед врио Рамазан Алиева, Правительствадид Седриед заместителед врио – РД-дид экономикадид Министр Раюдин Юсуфовf, РД-дид финансмыд Министр Юнус Саадуевf, ФОМСад директор Магомед Сулейманова, РД-дид Счетный палатадид седри Билал Джахбарова, РД-дид Кьухьнийды ва Правительствадид Администрациедид коррупциедихьван да1ви выгыргад Управлениедид кьухьды Ибрагим Ибрагимова.

РИА «ДАГЕСТАН»