Дагъыстанад Кьухьнийды помощник хаIсил йишири Республикадид делегациедыхьван ВФМС-2017 Сочиди

d93f570145d2a3a4ae15bd34e27dc826

16 октябрес Сочиди Х1Х-джигьилешды ва студентешды сиене дуьнйадид фестивале Дагъыстанад Кьухьнийды личный помощник Никита Бутусов ха1сил йишир Дагъыстандид делегациедыхьван.
Бутусова гьухьури, йиркьыд йиъи ВФМС-2017 Дагъыстандид Кьухьнийды поручениедыхьван:
«Зы йиркьыд йиъи гьеми форума Владимир Васильевды поручениедыхьван, гьадид нетидже виъи ихтилатбыр гьаъас аъ-гъаъ кидкалды джигьилешихьван, гьац1ара гьаъас выхьды наятбыр на ихтилатбыр».
Дагъыстанад делегациедид членеше регионад кьухьнийды помощникес выри джус лазимды, герекды суалбыр. Гьабише гьанийда хайиш гьыъыри джукла ихтилатбыр гьаъ хьур. «Гьухуд йиъи зы Московский областе, высший школа экономикадид лабт1ури, йиъи эксперт строительствадид ва недвижимостед сферади. Кьухьва даъара а кьва1р хыных, гьадыла саваенди йиъи тяжелый атлетикада мастер спорта», — гьухьури гьание.
ДР-дид джигьилешды гвалахмыд министр Магомед Курбанова хайиш гьыъыри участникешда джухьды гволахмыд ва раиемыд ихтилатбыр гьаъ хьур. Гьади ха1силдишид арыди джигьилеше обозначит гьыъыр хьуъ гет1ири сасад лап лазимды направлениебыр, джигьилешды гьалакьабыр, гьилдымыс йигара ади Дагъыстанад кьухьнийды кюмег.
Гьади гьухьумык кине гьабишис гьади гьыъыр ай ихтилатбыр джигьилер гволахмы даъасдид къайгъубыр кьуле йыгын бадана. Гьа1лимешис кюмегбыр вынид, му1къма ад алверчийшис ва мадды мисед джурба-джурад суалбыр. Сиене миди гьухьур ад суалбыр Никита Бутусова лешури джуду хы1ве, ва выри ч1ел гьамыкла хабар ваъаси хьур Владмимир Васильевас.
Генеки гьа йыхьыри фестивале ад Дагъыстанад майдана, гьади сихьир ай джама1хтид, халкьдид устадашды хылире гьыъыд карбыр.

Мира Казиева