3 сентябрес Дагъыстанад Кьухьды Рамазан Абдулатипова иштрак гьыъыр «Зас терроризм выгардиш!»-хьур митинге.
Махачкалди центральный площаде гьа йыгъа йыдкьыр ай халкьдид организациемыд, политический партиемыд, республикадид профсоюзад объединениемыд, интеллигенциедид представителер ва студентер.
Митинг ачых выъыр Дагъыстанад Академиедид Президент Гамид Бучаева. Гьади гьание гьухьур, республикади сиене интеллегенциядид ният са йиъи — терроризм ва экстремизм нагьакьды гвалах виъи. «Хьибыдхьусды сен йиъи республика ешемиш виъид террористический актбыр адишне, аммани гьамыд угроза гьала ки мада. Экстремистер не ва террорстер дагул дишир а, гьадыла халкь мааки са вишир йыгара, гьа терроризмадиде сип1ес джывысна», — гьухьур Г. Бучаева.

Гьадыла саваенди, терроризм ва экстремизм тарг гьыъыр йыгара хьур лалгыри Дагъыстанад хьылешды Союзад кьухьды Интизар Мамутаева ва гьанийхьван сыт1а маддыбыр ки.
Джуьхьды суруула республикадид джигьилешды организациемыд представителеше ки гьухьур, хьурангинды вахтбыр ма хъикисдиш, гудж-бас ваъад террористеше илсанар мысга гич1 ана хадкьыр.