РД-над здравоохранениедид министр Танка Ибрагимов ха1сил йишир джигьил духтурашихьван, мистед сыда гвалах ваъара ква1ч1уд му1къма ад больницама республикади «Земский доктор»-хьур программадис гюре. Гьабише сиенебише лешур а единовременный выплатабыр 1 млн. манут (60% — федеральный тангабыр ва 40% — республикадид софинансирование).
Ха1сил дишид арыди министре хуткунбыр гьыъыр а, шууна виъиди гьабишды гвалах дыхьыд му1къма, айме-адишийме гвалаха джетинвалдыбыр, шудаъди дуллух лебшурди, ма шыв ади камды-кесды гвалах йыхана вирхьын бадана.
Меселла, хирургашда гьание хуткур, шыв операциебыр гьаъарди, шив ади-адишды райондид больницама, шыв кам-кес йиъиди гвалах балана вишин бадана.
«Земский доктор» — хьур программа Дагъыстана кьуле выгыргара ад йыхана са сен диш. Хьибды сыдыд арыди му1къма гвалаха сидыгыр а, сидыргадыла артухана 644 джигьил духтур. Гьадис гюре духтурашды кьитвалды ц1ам вишир а, едед илсанашис раха1т йишир а мукъма.
«1 млн. манут — подарок диш. Гьабыр вылц1ара ад йиъи, ва1 выхьди ера джат1ур 5 сыда гвалах выъын бадана,- кьуле эдир джигьил духтурар министре, — эгер ха1р са багьанадихьван специалист хъыхьыхьвна джуду гвалахад ерала, гьад маджбыр йикис хъывыс лешуд тангабыр». Гьание генеки хайиш гьыъыр духтурашда быт1рана гвалах ваъ хьур джуьхьды ц1инды гвалаха ва чалыш диш хьур илсанашды сагъвалды бадана ха1р са хырыдад ера республикади: юкьсура гвалах выгыр йыгара грамотно, Россиядид Минздравад положениемыра вагъа1дкал.

Дженат Мусаева,
студентка ДГУ.