Рамазан Абдулатипов хаIсил йишир ай «Работайте, братья!» поэма кивхьинийхьван

1_result

11 июлес Дагъыстанад Кьухьды Рамазан Абдулатипов ха1сил йишир ай Белгородди 42 мехьтебед 8-класса ад Юлия Калининахьван, гьание кивхьид виъи поэма «Работайте, братья!» Россиядид Йигит Магомед Нурбагандовакла.
Йик1иы лихъийис йигара, сен хьурагине Дагъыстанди йигит полицейский йыхы1д.
Гьади иштрак гьыъыр ай генеки поэтессад нине не шура — Галина ва Вадим Калининер.
Йидкьыр ад мийманашы салам сувулгъуди Кьухьние мисе гьухьури: «Дуру-ун ад илсанар бала диъи, амани ц1ам анидиъи гедылкьабыр маннийды хаджалатмыхда, хаджалат вырды руъуд кардиш». Юлия Калининахьван гьалгади гьание гьухьури, гьа кихьир ад произведение бала уфтанна кихьир а, фикирлы даъара гьу1мирдикла, йигит ва1ликла ва бырджекла. «Са регион ки адиш выды кивхьир ад поэмады рази дишды, гьа шиъир лазимды вахтинды, илсан гьаса гийкьыр а Нурбагандовды йигитва1лихда, гьание гьухьуд ч1елбыр балана лазим йиъи ихьды Дагъыстандис ва ихьды йигитне дыркьыд илсанашис».
973A3810_result

«За гьаса ха1саба гьаъара ха1р илсындис ху1киймете дац1ыр йигара йигит илсанар гьаса ватан хъывгад», гьухьури Юлия Калинина.
Галина Калинина гьухьури, Дагъыстандире шаирвалды ягъа1ре. «Юлиере кивхьир ад поэма Россиядид йигит Нурбагандовакла сахьусды диш. Гьание сахьусды шиъирбыр кихьир ай мыед сен йишийне».
Мийманаше выъыри эккед сагъвалдыбыр Дагъыстанад Кьухьнийис, Россгвардиедис, Дагъыстанад МВД-дис сес выъыр хьур: «Ес Дагъыстан йик1иыла упхасдиш, е эккене шад диъи».
Рамазан Абдулатипова джигьил поэтессахда ва гьанийды бейдебышихда сес выъыри Дагъыстанди отдыхбыр гьаъас. «Ихьды миди анидиъи хынимер, йидкьыр ад мадды регионма. Юлия йиркьыне Театр поэзиядыхьван сыт1а хана ваъаси гъы1лдид шаирешды мехьтеб я ки группа пионерешды лагере шаир хынимешис», — гьухьури гьание.
Джыбрана Дагъыстанад Кьухьние выри Юлия Калининас Амет-Хан Султанды дур гъад медаль «За вклад в патриотическое воспитание молодежи».

А. Махмудова,
студентка-практикантка ДГУ.