14 мартас Дагъыстанад Кьухьды Рамазан Абдулатипов ха1сил йишир районмыд кьухьдыбишихьван.
Бабаюртовский райондид кьухьды Эльдар Карагишиева ихьтилат гьыъыр, шыв гьаъара ади муниципалитете кьуле йыгын бадана «Обеление экономики» хьур приоритетный проект. Меселла, 2016 сыда выгыр ай эккед гвалах налогмыд база бала йишин бадана — навкьбыр, хал-лахбыр, налогмыд учета гьабыр луза гьыъыр, учета адишне гвалах ваъара ад предпринимателер ки дац1ара дыъыр.
Гьадис гюре районад бюджете йыдкьыр ай налоговый ва неналоговый доходбыр, сиене сыт1а, 127,5 млн. манут (103% выд планала, 2015 сыда – 87 %). Накьудид налог -113%, илсанашды халмыд налог -120%, амма ц1ам йиъий инсанашды доходмылады налогбыр. Учета лешуд накьумыд план сиене сыт1а – 72%, объектмыд-64%.

Гьадыла Рамазан Абдулатипова районмыд кьухьдыбишис поручение выр ФГБУ «ФКП Росреестра» идарадихьван сыт1а гуджли ваъ хьур гвалах гьадид сураа — навкьбыр учета лешун.
К1аъдына ва средний предпринимательствамыкла гьалгади, Эльдар Карагишиева гьухьур, гьасад гвалах выгыргара а 805 илсанара, гьабишикла 106 — к1аъды ва средний предприятиебыр, 699 — индивидуальный предпринимателер. Аграрный продукцие агъахара а 10 сельхозорганизациедире, 47 КФХ ва 13096 ЛПХ.
Рамазан Абдулатипова гьухьур, дюзенди ермы ЛПХ-быр гьыъыр йыгардиш, кьухьды сельхозпредприятиебыр гьыъыр йыгара хьур. «Гьа суалбыр бадана илсанар кьуле эдир йыгара, гьабишхьван выгыр йыгара гвалах гьац1ын бадана гьабишис СПОК-быр гьыъыникла шыв хайир ади хозяйствама», — гьухьур регионад Кьухьние. Гьа гвалах бадана гьание выр поручениебыр РД-над Правительствадид вице-премьер Билал Омаровас ва сельский хозяйствадид министр Мусаэфенди Велимурадовас.
Эльдар Карагишиевад ч1илмыхьван, гъийгъа районди аниъи сиене сыт1ана 23 кьыле выъынид учреждение, гьамыкла йисды мехьтебырма а 11, ха1р класса хынимер-15 илсан.
Тисе муниципалитете сиене приоритетный проектбыр кьуле йыгынид гвалахмыс выр ай йыхды кьимет.
Хьели отчитаться йишир ай Карабудахкентский райондид кьухьды Махмуд Амиралиев.