Хьыдылды гъа хьур дуьнйады.
Йибкьыд виъи музыка,
Хьыдынийды сес ха1ляды,
Убра а гьу1мирдихьван.

Ширинды сес — нинды «Лай-лай»,
Кьа1ба ес виъий музыка.
Накьбыр йидкьыр, дишир дай-дай,
Экке диъи ы1хьа1 ка.

Хъыргад рышед хъыгад джываб,
Выше, вазырыик хъывыд.
Музыкадид виъи гьа таб,
Йинчире йик1е ивид.

Сахьусды за кихьид на1гьни,
Пак ч1илмыхьван кихьид и.
Рыш рыгара — йик1ид та1гьди,
Музыкады ругъуд и.

Лыкьы1рды мук1вас сывахъан,
Накьридихьван гейчид йиъи.
Рыш йиркьыйне га1диехьван,
Сунабыр ешед йиъи.

Гьалайлай ваъара нине,
Рыш сириргара га1диес.
Бес гьад музыка дишийме,
Решере ад сус рышес.

Да1гьвияла йибкьыд хабар,
Йигит кал йикьир а хьур.
Решир сыла ваъара бар,
Хулмыхьван гьад дердед йух.

Ешилды агъырды пеше,
Аязмыхьван сыла выъыр.
Музыка ваъара веше,
Гитхьур мук1вас, гап сывхы1р.

Рышба1 дуьлхъед геде дылаа,
На1гьни-макьам хьура гид и.
Быч1 лешур га1диед хылаа,
Гьад гьунар музыкадид йиъи.

Хьыдылды ридж — дид Адамыс,
Музыка кине рывыр а.
Гьадыла гъийгъа дуьнйамыс,
Хьыдылды хъыргад ришир а.

Ш. АМСАРИ