Ц1инды сыдыд байрамырмыс Махачкала шегьерди ад общественный транспортара адыхъаъ ки балана гвалах ваъас хьур хабар вишир ай РИА «Дагестанад» корреспондентес РД-над транспортад ва энергетикадид министерствада.
31 декабрес Махачкалди ад халкьдид автобусмыра на маршруткамыра, шегьермыд ариди ад транспортара гвалах ваъас хьва выше сагьа1т сынды йикьама (01:00).
Мадды йыгъырма шегьердид транспорт гыйгъа1си 22:00 – 23:00 сагьа1та йыхы1р.
Махачкалдид администрациедид транспортный ва дорожный Управлениедид кьухьнийды зам. Андрей Магомедовды хабардыхьван, гьеми йыгъырма шегьерди тесдикь гьаъасди йиъи суал, меркездид транспорт мыс, шууна гыйгъа1сди ц1инды сыдыд наха1н ва гьадыла хъуъ выханнимыд йыгъырма.
«Гьалаки гьекъийкъатды документ адиш, амма гьеми йыгъырма игъиесды йиъи. Гьис хьурди баласды инсанар мидиъ-тиниъ дуруъура маршруткамыхьван, меркезди йидкьыд мийманашис дуруъус, гьаъас йигара йикис юкьсура байрамад наха1н», — гьухьур гьание.
Биссагьа1тди шегьерди ха1саб гьыъыр а кьва1д гьа1гъзыр духъунды маршрутный таксибыр. Республикадид Минтрансад кьат1ламадыхьван, байрамад йыгъырма меркезе сигасды йиъи 44 «Метан» автобус.
Байрамад йыгъырма межмуниципальный транспортара ки джуду графикехьван гвалах ваъас.
Казиева Мира