1 декабрес Дагъыстанад Кьухьды Рамазан Абдулатипова иштрак гьыъыр Россиядид Президентед РФ-дид Федеральный Иджласас сигыд Послание кьыле гьаъад арыди.
Георгиевский зала Эккед Кремлидид двореце xalp сыда выгыргад ка гьа мероприятие выгыргади иштрак гьыъыр РФ-дид Федеральный Иджласад членеше, Ху1киметед Думадид депутаташе, регионмыд кьухьдыбише, халкьдид деятелеше, динмыд конфессиямыд илсанаше. Дагъыстан Республикадид суруула, генеки гьади иштрак гьыъыр ай Дагъыстанад Халкьдид Маджлисед Седри Хизри Шихсаидова.
Ху1киметед Кьухьние эккед убур йыхы1р экономикадис, социальный суалмыс ва ху1кимете аъна ад политикадис.
Послание кьыле гьыъыдыла хъуъ Дагьыстанад Кьухьды Рамазан Абдулатипова гьыъыр ай хьуланды комментариебыр:
«Ми хылис ху1киметед Президент Владимир Владимирович Путине балана убур выр ай илсындид свободамыс на правамыс. Гьабыр шууна кьуле йыгыр йыгарди экономикади, кьылевыъына, культуради гедкьасна гьагва гьыъыр ай. Сахьусды деринды тезис Посланиедид — сиене гвалахбыр яла асыллы йиъи, ихьды чалышва1лила, йыхана гвалах выъыныла. Ишлемиш гьыъыр йыгара адухъунды регионма ресурсбыр. Эккед убур йыхы1р йыгара гьа гвалах выгыргади кьаъды бизнесес», — гьухьур Рамазан Абдулатипова.
Ихьды газет кьыле гьаъад юлдашешды хайишдыхьван е сиене Россиядид Президент В.В. Путинед Послание, сигыр ад мистед сыда Федеральный Иджласас, урус ч1илыла ми газета лийир а.
Б. МЫХАIДЫ