14 октябрес Мыха1 райондид администрациеди вишир ай иджлас.
Гьадид сахьусды натидже виъий — шыв гьа1ле ади МО «Рутульский район»-ди 2016 сыда налогмыд планбыр кьуле йыгынид гвалахад агьвалат.
Гьа иджлас выгыр ай Дагъыстанад Халъдид Маджлисед депутат ва райондид гьалаки Кьухьды Давуд Сулейманова. Генеки иштрак гьыъыр иджласа М. Д. Магаррамова, Р. М. Рамазанова ва Дербентда йит1кьыр ад Дагъыстанад Кьухьнийды Южный территориальный округад (ЮТО)Уполномоченныед идаридид къуллухчиер Руслан Хидирбекова ва Махач Алибекова.
Иджлас ачых выъыр Магомед Магаррамова. Сахьусды кьул гьание сиене сельсоветмыд налогмыд планмыд усул агъмиш выъыри.
Гьанийды ч1елмыхьван, сасад сельсоветма налогбыр лап ц1ам ягъмиш гьыъыр ай 9 вазырди арыди, сасадма агьвалат йыха виъий.
Гьадыла хьуъ гвалах йыхана джаваъабишыла лап неразине гьалгыри Давуд Сулейманов. Гьание гьухьури: «Миди ашкара гьыъыд цифрабыр са джурадире ки кьабыл руъур диш – мадды районма планбыр 100 % лаъ кьуле йыгыр а, миди са далгын и ад «йикиси», «гьаъаси»… Йидж мыс? Мабад кьва1б ваз виъи»
Хьеликана миди далгыри райадминистрациедид финансмыд отделед къуллухчи Лимунат Нажмудинова, ЮТО-дид къуллухчи Руслан Хидирбеков, райадминистрациедид экономикадид отделед кьухьды къллухчи Гусейн Гусейнов, Ц1ахы1ребишды сельсовет Вагиф Алиев.
Гьадыла хъуъ миди «Обеление экономика» приоритетный проектед, актуализацие наукьумыд ва ераа луза гьыъыд халмыд, гьамы гъад налогмыд планмыкла далгыри Мыха1бишды сельсовет Абдурахман Султанаев, Мишлеш мукъу1д сельсовет Рамазан Кубалыев ва маддыбыр.
Миди агъмиш гьыъыри инсанар адишды сийид халмыд, ишлемиш джаъад наукьымыд суалбыр.
Гьади сельсоветеше хъуъ гет1ир налогбыр джухьды счетмы суджубкьудид, гьа1р са инсанара джуды налог джурана выр йыгадид ва мадды таликьды суалбыр.
Ми сиенебыр далгыда хъуъ, Давуд Сулейманова ва Магомед Магаррамова гьа1саба гьыъыри налогмыд усул лап ааладына ва хъывыри вахт ми лазимды суал кьуле йыгын бадана.
Къинады Саид