11 октябрес Дагъыстанад Кьухьды Рамазан Абдулатипова иштрак гьыъыр ай Пятигорскади вишид Национальный антитеррористический комитетед заседаниеди. Гьа заседание выгыр ай НАК-ад седри, Россиядид ФСБ-дид кьухьды Александр Бортникова. Хьуъ гет1ир ай суалбыр, шууна гвалах выгыргасди Северный Кавказди терроризмадыхьван, шууды антитеррористический гвалах выгыр йыгад йиъиди ерлид антитеррористический комиссиямыра ва ху1киметед идарамыра.
Гьади иштрак гьыъыр ай РФ-дид Президентед Северо-Кавказский Федеральный округад Полномочный представитель Олег Белавенцева, СКФО-дид регионмыд кьухьдыбише, Федеральный властед къуллухчийше ва спецслужбамыд къуллухчийше.
Александр Бортникова гьухьури, мистед сыда гвалах ваъара маба региона обстановка йыха йишин бадана. Гьаъас вырдиш са террористический акт, хаткьыр а 49 боевик ва 328 гьабишис кюмег вылц1абыр, йытхы1р а 95 бандит, гьабишикла 15 диъий бандамыд кьухьдыбыр, генеки гьади кинидиъи Кабардино-Балкариеди не Дагъыстанди бандитешды хьура гибыр.
Федеральный не ерлид властьмыра ва антитеррористический комиссиямыра йыхана, кьул-кьулик кине гыргара а профилактический гвалахбыр, ц1ам йишин бадана банд группабыр, гьат1ва гьаъара гьабишис манут вуруъуд ра1хъбыр.
НАК-ад седриере гьухьури: «Йыгъ-йыгъала гвалах бала выъыр йигара джигьилер ч1ирид рыкъа1 сиджидгасна ва интернетма пропоганда выгыргас джывын бадана.
Генеки гьа иджласа хьуъ гет1ир ай СКФО-дид муниципальный образованиема ад терроризмадид профилактика выгыргабишды гвалахбыр.
Гьа гвалахмыд гьакь-гьасаб гьыъыдыла хъуъ, генеки артухды мерабыр агъмиш гьыъыр ай антитеррористический агьвалат йыха вишин бадана ари ху1кимете ки, ва гъаъ суруу ки.
Мира Казиева