Дагъыстанад Йыгъ агъмиш гьыъыр джигьилешды форума «Машук-2016»

f1dd580e94eb60d39ae08312d1162cebАбдусамад Гамидова 8 августас иштрак гьыъыр Северо-Кавказдид джигьилешды форума «Машук-2016» Дагъыстанад Йыгъ агъмиш гьаъади.
Дагъыстанад Правительствадид Седри республикадид джигьилешды гвалахмыд министр Арсен Гаджиевахьван, Дагъыстанад национальный политикадид министр Татьяна Гамалеехьван, РД-над туризмадид ва халкьмыд художественный промысламыд министр Магомед Исаевахьван, Дербент шегьердид мэр Малик Баглиевахьван, РД-над Кухьнийды ва Правительствадид Администрациедид кухьнийды заместитель Тамара Чиненныехьван, Махачкала шегьердид администрациедид джигьилшды гвалахмыд ва спортад на туризмадид комитетед седри Марат Ибрагимовахьван сыт1а таныш йишир джигьилешды форума ад площадкамыхьван, таныш йишир «Дербент-2000»-хьур арт-объектахьван. Хьеликана ихтилатбыр гьыъыр Дагъыстанад делегациедид джигьилешихьван.
Арсен Гаджиева гьухьур, республикади аниъи кьиямат проектбыр, лазимды Дагъыстанад муниципалитетмыс, амма ха1р са багьанадихьван сасад геде гьамыс убыр рыхы1р диш. Гьадыла джигьилешды политикадид министре гьыъыр йыгара хьур фонд республикади гьамыс кюмег высды. Гьанийды ч1елмыхьван, баласды проектбыр кьуле йыгыхьвна, ачых гьаъас йикис артухды гвалахад ербыр региона.
Министрахда хъацудыла хъуъ, Абдусамад Гамидова дюзды ихтилат йиъи хьур ва гьанийда гьадид бадана республикадид Правительствадида хайиш гьаъас йикис хьур.
4b8d56ed19ae99bf27d2f34bc03766faГенеки хайиш гьыъыр ай Дагъыстана ки выгыр йыгара хьур мисед джигьилешды форум, кюмег высды джигьилешды проектмыс.
Га1ш-мыкь ваъад арыди форумад джигьилеше лаъ гет1ир ай суал гъилы лихъивир йыгара хьур хьурагине ад республикади «Каспий»-хьур форум. Абдусамад Гамидова иштракчийшис ч1ел выр, чалыш дикис хьур, джигьилешис йыгад проект кьуле гыргас хьур республикади, ва ха1р са проект, Республикадид Кьухьние гьухьуд кал, республикади йыгыр йыгара ху1киметед уровена гъана.
Хьели правительствадид делегация таныш вишир гьади ачых гьыъыр ад устарашды подворьемыхьван ва аулмыхьван.
Гьадыла хъуъ делегациедид бегеде йыркьыр Северо-Кавказский федеральный округа ад Российский Федерациедид полномочный представителед заместитель Михаил Ведерников. Мийманахьван сыт1а экскурсия выъыр сиенебыр таныш дишир эвелды гъеденмыхьван, накьудид къабырмыхьван ва балхардид керамикадихьван. Гьыъыд мук1мыра, халкьмыд улесдымыра гьагва гьыъыр ихьды тарих ва республика геледжек шууна лаъ ваъасды.
Абдусамад Гамидова эккед кьимет выр гыргара ад джигьилешды «Машук-2016» форума Дагъыстанад Йыгъас. Гьанийды ч1елмыхьван, гъилы–кьулы гъабишда уфтанна гьагва гьаъас йишир а халкьмыд колорит ва республикадид культурадид балавалды.
4031496aba977f6842693a87cd00c709Бегьем руъуди форума танышвалдыбыр, А. Гамидов йыхьыр «Российские сети»-хьур компаниедид площадкади, гьади гьанийис ихтилат гьыъыр компаниедид тарихекла, гьувга выъыр мастер-класс робот-тренажера.
Йик1иы лахъахара, Северо-Кавказский джигьилешды форум «Машук» мистед сыда гыргара ад йиъи 5 августала 19 августа йыкьама. Мистед сыда сахьусды хыл йиъи проект хадишне иштрак гьаъас йикисды. Джигьлешды проектмыд «Машук-2016» грантмыд конкурсакла гьухьусды йишихьвна, мистед сыда идарамыс гьагва гьыъыр а 20 грант ха1р са 2,5 млн. манутад, инсанашис — 75 грант ха1р са 300 гьагъзыр манутад, 20 грант — 400 гьагъзыр манутад ва 10 грант — 500 гьагъзыр манутад.
Форума иштрак гьаъас йикиси йыгад джигьил инсанада, ешемишды СКФО-дид накьуды. Форум кувгъу1д вахтинди иштракчиед йишир йыгара 18 сыдыла 30 сыды йыхы1р сенбыр.