19 июлес Дагъыстандид Кьухьды Рамазан Абдулатипов йыхьыр ай Дагъыстандид кьылевыъынид развитиедид института. Гьади гьа гакьыри идарадид ц1ине хъыъыд фасадахда. Гьадыла хъуъ республикадид Кьухьнийис миди выгыр ай экскурсие: таныш гьыъыр кьыле выъынид кьимет вылц1ад, информацие обработка ваъад, педагогашды аттестацие гыргад центрмыхьван, гьади ад кафедрамыхьван; генеки Кьухнийис гьагва гьыъыр ц1ине хъыъыд спортивный зал. Рамазан Абдулатипова лап йыхана гьа1саба гьыъыри миди гьыъыд гвалахбыр. Гьание, гьадила савайинди, хъывыри сасад рекомендациебыр гене ки гьа институтат гвалахбыр лаъ йишин бадана.
Республикадид Кьухьнийхьван, гьа миди гакъади, сыт1ана йиъина ай гьа институтад проректор Шахрудин Шахов.
Ми институтат тарих ка1ч1ур ад и 1928 сыдыла хъуъ. Гьа ачых выъыр ай Дом народного просвещения хьур. 1996-ды сыдыла хъуъ Дагъыстандид магьа1лимешды квалификация лаъ хъаваъад институт выъыри, гьадийкьама — Институт усовершенствования учителей виъий. 2015-ды сыда гьадыхда гьухьури — Дагъыстандид кьылевыъынид развитиедид институт.
Гьа института а хьуб центр:
— Центр оценки качества образования, гьади ЕГЭ-мыд КИМ-быр кильхьере ва ДР-дид мехьтебырмыд мониторинг гыргара;
— Центр координации работы с одаренными детьми; гьадире курировать гьаъара сиене конкурсбыр ва олимпиадабыр ва мадды гвалахбыр;
— Центр обработки информации; гьади Дагъыстанди ЕГЭ-мыд суалбыр курироват гьаъад а;
— Центр аттестации педагогических работников;
— Центр информационных технологий; гьадире дистанционно кьыле выъынмыд ва семинарбыр йыгынмыд суалмыд дживаб вылц1ад и.
Института гене ки анивиъи Дагъыстан Республикадид халкьдид кьылевыъынид Музей, гвалах ваъара а библиотекадире ва редакционно-издательский отделере.
Сыдыд арыди гьа1р са кварталас института агъахара «Модернизация образования» хьур журнал.
Ми институт республикади ад йыхды площадкана харкьара гыргасды сиене дуьнйадид, сиене россиядид ва сиене регионмыд арыма мероприятиемыс.

Къинады САИД