ЖКХ-дид Фондара тесдикь выъыр Дагъыстан Республикадид заявка вырыхы1ре ад тангымыд, кюмег вын бадана кьул-джубурна ремонт гьаъас балад квартирабыр ад халбыр. РИА-«Дагестанад» хабардыхьван, регионди ад капремонтад фонда тесдикь выъыд Дагъыстан Республикадид заявкадыхьван сыт1а йикьиси госкорпорацида 15,21 млн. манут.
«Гьамыкла Российский субъектед бюджете викиси 8,40 млн. манут, ерлид бюджета — 7,19 млн. манут, халмыд иессиешды тангабыр — 13, 20 млн. манут. Гьа тангабыр сигас хьур а кьул-джубурна усла-кьалба хъыгасна 8 балад квартирабыр ад халбыр ари Махачкалди ад.
Гьа программа кьуле выгынис гюре йыха хъикьис яшайишвалды 1198 инсындид», — выъыр гьасад хабар фондара..
Йик1иы лихъийъес, гьа тангабыр рыхы1ре ад йиъи капитальный ремонтад программадире ягъа1ре ад ка сиене сыт1ана 1 млрд манут РФ-дид Правительствадид постановлениедыхьван на ЖКХ-дид реформадид фондад кьут1ламадыхьван са ки ху1кийметед корпарациедыхьван.
Мира Казиева