17 майес Махачкалди премьер-министр Абдусамад Гамидова выгыр ай Дагъыстан Республикадид Правительствадид иджлас. Гьади агъмиш гьыъыр лазимды суалбыр. Гьамык кине — шууна кьуле гыргара ади «Развитие образования на 2013-2020 годы» хьур ху1киметед программадире ягъад гвалахбыр ва кьылевыъынид агьвалат 2017 сыда.
Дагъыстанад гьы1лимдид ва кьылевыъынмыд министр Шахабас Шахова гьади гьухьур, программадире гьагва гьаъадкал, республикадис сигыр а 900 млн. манутмыла балана субсидиебыр.
«Тангабыр сигыр а йыхды магьа1лимер поощрять даъас, ц1инды гвалахад ербыр ачых гьаъас кьылевыъынмыд идарама ва мадды гвалахмыс.
Гьадыла саваенди, му1къма ад кьылевъынмыд идарама республикадид ва федеральный тангымыхьван ачых гьыъыр а ербыр, физкультурадихьван ва спортахьван мачхулат дикисды хынимер. Гьазыр гьыъыр а 175 спортад площадка мехьтебырма му1къма ад, к1алба хъыгыр а 5 спортивный зал.
Дагъыстанад кьылевыъынмыд идарама ц1инды ербыр ачых гьыъын бадана, федеральный бюджета харджи гьыъыр ай 851 млн. манут, республикадид бюджета – 80 млн. манут. Гьа тангымык бегьем выъыр ай Каспийскади мехьтеб 1224 еред.
2017 сыда Дагъыстана луза гьаъасды йиъи 16 мехьтеб 7 гьагъзырна 754 хынимешды ер ад, гьадыла саваенди, 6 хынимешды садик 830 еред. Сиене сыт1а федеральный бюджета гьамыс йыкьас 1,2 млрд. манут, гьухьур Шахова.
Министерствадид кьухьнийды ч1елмыхьван, 2017 сыда сахьусды кьул йик1иы гъа кьабыл гьаъас мерабыр йыгъ-йыгъала, сен-сыдыла лаъ-хьуъ выгыргасды кьылевыъынвалды.
Гьадид бадана ва Дагъыстан Республикадид Кьухьние выр ад поручениемыс гюре гьазыр гьыъыр а 11 программа министерствадире. Март вазырыла хъуъ ха1р муниципальный района выгыр а хьиб иджлас гьа суалад бадана…
Гьаъасды ц1инды кьылебырмыд идарамыд бадана, Абдусамад Гамидова йыгыр йыгара хьур сиъин луза гьаъасды объектмыд инвентаризация ва яц1а лешур йыгара хьур гьамыкла сахьусды лазимдыбыр, мехьтеб кувгъу1ди кьабыл гьыъыр йыгадбыр
«Гьадыла саваенди, мехьтебыр луза гьаъади макъыетвалды выгара Дагъыстанад Правительствадихьван сыт1а министерствадид суруула ки ва муниципалитетмыд суруула ки. Гюзет гьыъыр йыгара сиене строительствадид нормабыр.
Ихьды бырдж — ц1ам гьыъын йисды мехьтебыр, хьели хъуънака хьибды сменадид кьылевыъын елли аджабгасна гьыъыр. Кьуле йыгыр йыгара суал республикадире иштрак гьаъасды «Доступная среда» хьур программади», — тапширмиш дыъыр ягъмишдишибыр Дагъыстанад Правительствадид седриере.
Гьы1лимдид ва кьылевыъынмыд министре ихтилат гьыъыр, шыв гвалах выгыргара ади мистед сыда хынимеше лагерма отдых гьыъын бадана.
Гьанийды ч1елмыхьван, Дагъыстана 2017 сыда йик1иы гъа гъы1лдид лагерма сидигас 46 гьагъзыр хыных.
Гьа суалад бадана Абдусамад Гамидова выр указание Министерствадис муниципалитетмыд администрациемыхьван сыт1а балана убур йы1х хьур хынимешды гъы1ннед отдыхас, сахьусды кьул джетиндыбишис, гьабишис кывысды улесдымыс.
Хьеликана агъмиш гьыъыр физкультурадид ва спортад суал.
Дагъыстанад физический культурадид ва спортад министр Магомед Магомедова гьухьур, программа кьуле выгыргади кит1ир ай субсидиебыр йыхы1сды соглашениебыр федеральный бюджета сиене сыт1а 87 млн. манутмыд.
2017 сыда республикади сигас хьур а Кизлярды луза гьаъасды физкультурно-оздоровительный комплекс, ва спортивный а1k1- дa1k1 лешусды.
Министерствадире гьазыр выъыр а заявка 2018 сыда гьасад комплекс луза гьаъ хьур Буйнакскади ки ва кьва1д футболад поле гьади не Каякентди, 2019 сыда ва 2020 сыда — юкьуд гьасад комплекс ва юкьуд футболад поле искусственный покрытиедид», — гьухьур Магомед Магомедова.
