Дуьнйады илсан лагъур а, Беденда ру1х эхъет1ир а, Джандис хабар абгырдиш, Вакла кюмег, я Аллах.Изды кьадар йип1кьыйне, Улабырмыд йок лет1ийне, Шешун йик1иы хъу1гъу1рдиш, Вакла кюмег, я Аллах.

Вы Аллаха инамиш йишири, Джабраил бейде лузури, Джанде изды гич1 ипхьури, Вакла кюмег, я Аллах.

Зы ми дуьнйадыла руъура, Шешун хыле леджешур, Хьибыд кафан у лыъыр, Вакла кюмег, я Аллах.

Накьуди ихьир хъа1тхы1ри, Сырыд гьа1забыр гьагури, Гьухьусды бейде вышне хадиш, Вакла кюмег, я Аллах.

Т1алаб гьаъара Йинчида, Хыл леп1е изды гунамыла, Йок адиш гьеми сыра, Вакла кюмег, я Аллах.

Ц1инды хала йиркьыри, Ягъмиш сиене дишири, Хыле шешун аргардиш, Вакла кюмег, я Аллах.

Лы1хды накьуди ихьир а, Йок гьаджагур аргыр а, Валгад миз лал вишир а, Вакла кюмег, я Аллах.

Саъды дуьнйады йок адиш, Гьалыклана кюмег адиш, Вышне улис гьахъагвардиш, Вакла кюмег, я Аллах.

Улед, рагъад ахъылгардиш, Дид, шу зас гьахъалгвардиш, Лаъ лузас ки хъу1гъу1рдиш, Вакла кюмег, я Аллах.

Джамаха1т сыры йип1кьыр а, Зас балана гьа1заб а, Джандикла изды хабар адиш, Вакла кюмег, я Аллах

Сыры йидкьыр дешере а, Ешлед ун зас руъура а, Валгасды миз захда мабдиш, Вакла кюмег, я Аллах.

Нинды, ришид ешлед сес, Сырыла зас ун руъура, Лал ваъас ки хъиширдиш, Вакла кюмег, я Аллах.

Сыр исала йиъи, лузас джишир, Йок адишне мычахъа йишир, Гьили дуруъус гьеми сыра? Вакла кюмег, я Аллах.

Йинчире зас бахт вырдиш, Гыйгъа1с миди хъикисдиш, Хыди, хыных гьахъагвасдиш, Вакла кюмег, я Аллах.