Садахьудка гьавабыр ч1ир йишидыла балад гьугъалбыр ана ва эккед хьыблимыхьван сыт1а машинмыд ва ры1къмыд идарабыр йыгыр а усиленнный гвалахад режима джат1ур йыгъа-выше гыргара дежурствабыр.
Чечнидид не Дагъыстандид арыди Хасавюрт – Кадиюрт перегона гъад кьва1б железнодорожный гъа1быр дюз хъаъама ачых выъыр а хозяйственный поездмыд ра1хъ гьади ад хьибхьусды гъы1ла хьуъ. 10-хьусды апрелес Хасавюртди гыйгъа1сне гьыъыр а четный рыкъ1а хозяйственный поездбыр сабыйды зиянбыр выр ад гъы1ла хьуъ. Гвалахбыр гьабыр дюз хъаъас гьаъара маданийиъи: кьвабыр йихире саъара а, экскаватормыра нац1ур джуды руслоди ихъивере а, тукмыд опорабыр махкам хъаъара а, махкам хъаъара а бетонад плитамыхьван масбыр.
Каякент – Берикей перегонад железнодорожный гъа1 дюз хъу1вгъу1ма ачых гьыъыр а поездмыд гыйгъы1н сагъна мабад рыкъа1. Дюз-дюзгин хъаъад гвалахбыр: эккед йылагад 24 метри гъад перелет йыдкьыр а Приволжский поездмыд рыкъы1ла Дагестанские Огни станциеды, темиз хъаваъара а нац1урды русло хъуъ хъыъыр насосбыр. Экскаватормыра гъигъе выъыр махкам хъаваъара а нац1урды русло. Генеки гъы1д кьанбыр гъигъе хъаъара а ва лихъирхьере а рыкъы1д настилбыр.
Кьва1дхьусды гьугъалбыр йишийне 4-хьусдыла 13-хьусды апреля йыхы1р сасад ра1хъбыр гъигъе гьыъыр ай ва 70-ды машинмыд региональный не муниципальный участока 29-ды муниципалитете ад йишир ай джетинвалдыбыр гыйгъы1нис машинбыр.
Гъийгъад йыгъахьван 70-ды зиян выр ад участокма: гъигъе йиъи 8 участок, гъигъе йиъи объезд гьыъыр 16 участок, машинбыр гыйгъа1ре ка1хъа1ч1ур а 45 участока.
Сиене сыт1а выд зинбыр дюз хъаъас сигыр а 50 ры1къмыд спецтехника (бульдозербыр, экскаваторбыр, фронтальный погрузчикбыр, комбинированный ры1хъмыд машинбыр, ры1къмыд грейдербыр) ва 85 ры1къмыд замха1ткешер.
Гвалахбыр, гьугълымыра, йизирмыра ва хьыблимыра выд зиянбыр хъуъ хъаъасды, гьаъара маданийиъи.

Б. МЫХАIДЫ