Дагъыстанад Кьухьние Сергей Меликова йикьид журналистед Алик Абдулгамидовад халдыбишис не бегедебишис ч1елбыр гъыъыр.
«Гьанийды сес баладбишис вац1ара: Дагъыстанас лап джетинды сыдырма Алик Абдулгамидов йиъий Сахьусды каналад собственный корреспондент Северный Кавказди. Гьание йиъидкал ва гич1 джывыъыр, сасад гедене гьекъийкъатды йигитере кал ихтилат гьаъарай Дагъыстанди ва Чечниди руъура ад да1гьвимыд гьакьасабырмыкла, да1гьвидикла, выгыргара ад международный террористешихьван. Гьадыла саваенди журналистере гьагва гьаъарай Дагъыстанад яшайишед быт1равалдыки, гьадид кьультура на гьадат-нубатбырки.
Алик Абдулгамидова джус гьац1адыхъунды гвалахбыр ха1р гьаъарай джигьилешиски, угут тербие вылц1арай аала лаъ диъид джигьил журналистешис ва кюмег гьаъарай гвалахад юлдашешис джюзды гвалахад рыкъа1 а1ч1ус. Гьанийис хъывгарай Дагъыстан ва мысга джат1р выгыргарай джама1хтихьван гвалах. Недже шумаиди гьанийды гвалахас выр ай премиябыр. Амма сахьусды кьиметне гьание халкьарай инсанашды умуд на джуу ваъад ва выдж кьабыл гьаъад телевизорахда гадкьа1быр на газет кьыле гьаъабыр.
Эккене Йинчин ра1хмет ваъара гьанийды халдыбишис, бегедебишис ва сиъин Алик Абдулгамидов гьац1абишис. Ес гьад йик1ыы гъаргас гьекъийкъатды йигит инсанна, джат1ур джан сихьид джуду гвалахас на хъывгад Дагъыстанас», — хьур кихьир ай Сергей Меликова джуды telegram-канала.

Б. МАГОМЕДОВ