Дагъыстанди ачых выъыр а СМИ-дид мехьтеб

29513082_1705785689460364_6719008647728223112_n

Дагъыстанди Ху1киметед халкьдид хозяйстводид университете 26 мартас беслемиш вишир СМИ-дид мехьтеб.
Гьа проект кьуле йыгыр ад йиъий джигьилешды ДГУНХ-дид комитетере, гьа гьыъыр ад йиъи ха1р факультете гьаъас хьур пресс-центрбыр. Кьылевыъынид программади кинийиъи ха1р ха1фтиды ха1сил дикис хьур саса специалистехьван, гьабише кьыле гьаъаси лекциебыр, гыргаси практический дарсбыр ва выси мастер классбыр.СМИ Мехьтеб ачых ваъади иштрак гьыъыр ай информатизациядид, связед ва массовый коммуникациямыд врио министр Рашид Акавов ва регионад джегьилешды гвалахмыд и. о. министр Камил Саидов.
Йидкьыр ад кьухьды мийманаше гьухьури, гьа ваъара ад гвалах бала уфтанды виъи, генеки джигьилешис гьыъыри ихтилатбыр, СМИ – мыра шыв гвалахбыр гьаъара ади дуьнйады.
ДГУНХД-дид ректор Яхья Бучаева джигьилешис хайиш гьыъыри йыхана кьылевыъын гьа проекте.
«Ихьды университете ад СМИ-дид Мехьтеб йыгъ-йыгъала йыха вишир йигара, гьади аъ кьабыл дыъыр йигара джигьилер сиене Дагъыстанда», — гьухьури гьание.

Мира Казиева